31
8
5
港鐵深水埗站 D2 出口, 步行約2分鐘 繼續閱讀
所有分店 (9)
電話號碼
27237723
開飯介紹
前歌手藝人蕭潤邦開設的上海生煎包店,曾親身跟上海師傅學師。招牌生煎包皮薄多汁,也有供應小籠包及各式飯麵。 繼續閱讀
營業時間
今日營業
11:00 - 22:00
星期一至四
11:00 - 22:00
星期五至日
11:00 - 22:30
付款方式
AlipayHK 支付寶 現金 八達通 微信支付
其他資料
當面支付
食評 (49)
等級4 2021-01-04
281 瀏覽
當年屋企鄰近有間生煎飽店,佢地廚房有塊大玻璃窗,途人可以清楚睇佢地制作過程,而D生煎飽外相極吸引,但出奇地難食! (自問自己唔係咀刁人士,如果我都覺得難食的話相信外星人先會食!)從此對D生煎飽有小小介心.路過無數次深水埗堅信記,店內總係人滿,怕排隊無機會幫襯,今次經過見無咩人,女友又話啱咀形,終於有機會入去幫襯.但係….. 吸引我幫襯唔係生煎飽!打從20年前睇梁望峯嘅旅遊書,到現時李純恩嘅專欄,都介紹過上海有間麵店叫阿娘麵,佢地嘅黃魚麵一級捧!好想試試可惜我窮,到阿娘麵老板娘仙遊都未有機會親身去上海試試.極為可惜.今次係堅信記menu上見到有黃魚麵,即管試試香港嘅黃魚麵係咩一回事.生煎飽,小籠飽,厚切豬扒湯麵,外婆紅燒肉都叫咗一客.“外婆紅燒肉,你自己個肚腩咪有一大舊囉!”女友吋我…“我果舊唔係外婆紅燒肉嘛!係外公紅燒肉!”夾件生煎飽打算放入口,女友馬上 warning! 小心辣咀!無錯,不論生煎飽同小籠飽都係辣咀,但好奇怪,記憶中食親辣咀嘅生煎飽同小籠飽,都唔多覺餐廳貼出溫馨提示.生煎飽採用倒轉煎嘅方法,而所謂嘅底部煎得香脆,餡料充足豬肉唔會過咸.飽底香脆,飽面有芝麻,餡料及湯汁足夠,我對生煎飽嘅要求完全達標,滿意.小籠飽素質絕對唔差,只不過生煎飽更出色.唔中意點任何醬汁食小籠飽,湯汁同樣充足,同樣地要好小心食以免湯汁四射,重要好小心夾因為皮極薄.上海菜特點濃油赤醬係哩碟外婆紅燒肉顯現,紅色嘅芡汁味濃帶甜,五層花腩豬肉部份唔算鞋口,肥肉位置軟滑,一流!豬扒相比起其他餐廳,唔算厚切,味道帶甜,煮得適中,如果再煮耐d就過火,麵條比黃魚麵嘅麵條軟滑.其實.... 點個紅燒肉重有個原因,就係唔多中意食魚嘅我擔心黃魚麵萬一唔掂,都重有碟紅燒肉頂一頂,最後,當然係擔心多咗,黃魚魚肉唔腥而且極嫩滑,驚哽魚骨(童年陰影)小心小心食又唔見有魚骨,份量唔算少有半條魚,麵條比豬扒麵條彈牙,點咗雪菜濃湯底由於雪菜份量不少,湯底雪菜味比魚味濃,中意雪菜定必欣賞.疫情過后,盡量安排上上海一轉,食正宗上海麵. 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-25
169 瀏覽
明星效應嘅食肆通常都係曇花一現,如果要持續咁經營落去,就一定要以食物質素為先。而上海生煎皇,睇住佢由小店開始,慢慢逐步逐步喺唔同嘅地方開分店,就知道佢有一定嘅實力,並非虛有其表。要留得住食客嘅胃,秘訣好簡單,就係抵食同好食,而堅信號就冇因為上咗軌道而大幅加價,價錢仍然非常親民大眾化,所以就算而家疫情下嘅午市時間,餐廳內都不乏顧客捧場。生煎包係佢嘅招牌菜式,每次嚟到都必食,佢嘅生煎包真係夠晒正宗,同我第一次喺上海食到嘅一樣,底部香脆而不硬,咬開嘅時候係有爆汁嘅效果。我就覺得比起某間米芝蓮推介餐廳正宗好味得多。皮蛋豆腐好滑,切成薄片,上面再加上皮蛋同雪菜,淋上醬汁,凍凍地好好味。食過前菜後,就食午市套餐,一份主菜加小食連飲品都只係$53起,份量仲好多,真係好抵食。堅信號秘製厚切豬扒真係好厚身,肥瘦適中,煎香後再搽蜜糖,食落甜甜地,配埋菜飯真係冇得彈!雞絲粉皮薄而滑,上面有雞絲青瓜仲加咗麻醬,係一道非常好味嘅開胃小食。另外仲叫咗個四川擔擔麵套餐,今次揀咗京汁茄子做小食。擔擔麵嘅湯底非常濃郁,帶微微的辣,麵質相對地較林身,同出面一般擔擔麵感覺唔同。京汁茄子係一個涼拌,佢嘅京汁甜甜地,加咗雪菜絲,非常惹味,如果夏天食就更加正喇!雖然已經飽飽地,不過仍然意猶未盡,最後都叫咗個紅油炒手。紅油抄手總共有六粒,辣油非常香並帶少少辣,加埋蔥花,作為一個小食,份量剛剛好!為食嘅我哋叫咗咁多小食,埋單每位都唔使$100,真係超值到不得了! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-17
54 瀏覽
放工都在福榮街食開Tea,呢間見佢都開左一排,平時好多人,又唔太想食連鎖店,今日早收見未係好多人就試下。一入黎就有店員搵位,同比口罩套,好有禮貌。環保能的我雖然知道佢係乜乜肺炎影響所以用即棄餐具,但都想用返可清洗餐具,驚喜就來了。她們會主動用熱水(真是很熱那種)浸住餐具奉上。讓人很放心。一放心就想食多少少,下午茶時間叫2個餐+小食都唔係特別貴。成檯食物,未食已經有另一種滿足感。試下佢個面,係我較鍾意嘅煙韌、較粗的上海麵。湯底較清,但都飲得出有上湯。清淡嘅麵係要襯托入味嘅豬手,颯得好淋,筷子可以插入去。D筋位可以輕易咬開,水準之作。麻辣鳳爪,辣味唔重,亦唔係好酸,很適合我嘅口味。食住熱辣辣嘅麵同生煎包再食下爽脆冰涼嘅鳳爪調和返個溫度就非常夾。孜然雞翼,表皮香脆,肉質嫩滑多汁,孜然味好自然均勻,唔會搶走雞翼嘅肉味。最正的無可否認的確是呢個生煎包。它的外皮實在非常爽脆香口,而奇妙嘅係裡面嘅湯汁多到標出黎,但就算我上左檯10幾分鐘先食(怕熱),表皮都冇比湯汁浸淋,好有心思同技巧嘅設計。除此之外,裡面嘅湯汁同肉餡都係份量十足,相當鮮味。完食照。埋單時候也和收銀哥哥傾了幾句,一邊食的時候也發現店員和食客噓寒問暖。雖然近來深水埗開左好多新店,但如能保持這種街坊互動的習慣,我都好歡迎的。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-14
303 瀏覽
正宗嘅上海野主打嘅就係好多麵食同埋澱粉質嘅包鋁例如小籠包生煎包鍋貼咁樣, 亦都正正係因為廣東菜主打原汁原味所以有時食得多西餐都總會想食返啲比較清淡嘅嘢😁堅信號生煎包皇都唔係第一次聽,但始終都未試過所以今次就真係要專程拜訪一下睇吓有啲咩真材實料😌入到去當然會聞到面嘅香味就好似廣東嘅面小館咁樣,聞到都的確幾開胃,同埋無意中會引到你都想食麵😂 首先小菜冷盤方面當然要食平時好少食嘅水晶肴肉,我自己平時都比較抗拒一啲油脂嘅食物,例如五花腩淨係食瘦嘅部份、叉燒都係要食瘦嘅但呢一個水晶肴肉的確令我對肥嘅嘢食有所改觀😖因為就算食每一個部份都完全感覺唔到任何肥膩嘅感覺。調返轉可以將本身係肥嘅嘢食整到好似啫喱咁樣真係非常之神奇,肉嘅味道當然係香濃,即使肉係凍嘅但係作為頭盤再配合少少醋一齊食的確令到胃口都會變得更加好。之後面色嘅話我會推介堅信號招牌豬扒湯麵,重點一定係熱辣辣又夠晒厚嘅豬扒,唔好以為口就一定代表韌,反而咬落有輕鬆咀嚼得來亦都輕鬆,啖啖都係肉,中大有少少香茅嘅味道,咁就唔會剩係得豬扒味咁寡啦,至於湯麵亦都有少少神來之筆,主要係面底唔同我哋平時食嘅上海麵或者刀削麵,粗幼度同拉麵差唔多但唔會有拉麵咁硬身,感覺上就好似食緊軟糯嘅米團一樣至於到咗重量級主角生煎包一定要無論如何都要試一試,一咬落去已經感受到非常熾熱嘅湯汁開始湧出嚟,個湯用一個字形容係甜兩個只係鮮甜👍🏼👍🏼 再配合大小適中嘅餡料,皮亦都唔太厚,果然就係呢一度嘅招牌。高質素嘅廣東餐廳亦都真係買少見少,豪華D嘅可能會好貴;但堅信號呢一間的確做到平民價錢但優越嘅享受 繼續閱讀
(以上食評乃用戶個人意見 , 並不代表OpenRice之觀點。)
中午同同事近近哋去咗福榮街「堅信號上海生煎皇」食晏,呢間我唔係第一次幫襯,由隔離舊舖食到新舖,次次都好鬼多人。呢日又係等咗兩張枱先入得,不過好彩好快就有位😊。餐廳有做午市套餐,價錢都OK嘅😉,人均$5X-$6X包主菜、小食同飲品。食物選擇唔少,基本上海食物都有。不過我同同事嚟親都係食嗰幾味🤣,好食嘛!主菜份量超大份,男仔食都夠飽。堅信號厚切豬扒菜飯($60),🐷厚切豬扒個樣好似唔同咗❓,唔係一般嘅酥炸排骨,反而係介乎叉燒與豬扒之間。豬扒肉質唔韌,味道甜甜哋,幾特別。🍚菜飯夾起先知勁多,每人食半份已經飽,哈哈。如果菜飯多啲菜粒就好。芝麻醬五彩冷麵($54),我嚟親都必食呢味,份量又係超多,推到成座山咁高🤣。五彩包括雞絲、火腿、蟹柳、青瓜絲同甘筍絲,賣相幾吸引。麵質夠乾爽,唔會畀麻醬漿住。麻醬汁略嫌淡咗少少,好彩有五彩搭救🌈。堅信號上海生煎包,生煎皇嘅生煎包果然出色😋。生煎包好大隻又夠飽滿,入面真係爆哂湯汁,熱辣辣要小心燙親啊。生煎包底部煎到脆脆的,所以包皮同餡肉都好食!我認為一人食一隻唔夠喉囉😛。原來餐枱貼咗張品嚐生煎包嘅建議食法🥢。麻辣無骨鳳爪,無骨鳳爪啱晒我呢啲怕噒骨嘅人,鳳爪有四至五隻,跟餐小食嚟講算多。不過麻辣汁辣度幾勁下🌶,我要係咁飲水。凍豆漿(+$2),豆漿之前唔使加錢㗎🙈,而家免費只係得綠茶。食上海嘢飲豆漿係最夾🥛,豆漿唔係買返嚟嘅樽裝,口味亦唔會太甜。總括嚟講,堅信號真係有信心保證,食物出品保持水準,唔會變差。我個人推介嚟到一定一定要試生煎包,包你唔會失望🌟。店員服務亦都抵讚,就算好忙都保持禮貌。門口有個窗口專做外賣訂單,我眼見訂單做唔停。 繼續閱讀
(以上食評乃用戶個人意見 , 並不代表OpenRice之觀點。)