影片
更多
2022-02-11
1919 瀏覽
風評甚佳的「鄭師姐泰式素食私房菜」存在我的口袋名單很久，這天上午去佐敦辦事，剛好順路行過去試下。上到去見重門深鎖以為摸門釘，好彩按完門鐘有得食！食物質素果然一流，午市客飯套餐只收 HK$50 實在好抵，我一邊食已經一邊約朋友訂位食私房菜。神秘的泰式素食私房菜位於尖沙咀一棟大廈樓上，樓下個商場殘殘舊舊，部升降機肥少少都行唔到入去，整個非常探險感覺。上到門口見拉晒閘以為無開，唔放棄的本人見到門鐘按下，等一會終於有人開門。入面其實唔算有裝修，近門處就係廚房，走廊係儲物空間，層架上面有賣少量泰式醬料和素食產品。平日十二點左右來到，這天係得我一個包場。嘩！午市客飯套餐有成30款可以揀，選擇困難的話真係搞唔掂！菜式道道都好吸引，全部都有興趣試，本來我一早睇定想食19 泰式素肉燥豆腐飯，點知無喎，結果揀左食沙爹。私房菜都只係 HK$180 位仲有成十道菜，會唔會太抵食呢？椰香沙爹素豬扒飯 HK$50 + 泰式炸魚餅2件 HK$20一坐低就先得到大樽唔知咩茶，反正幾好飲我飲左半樽。跟餐的例湯成碗都係蔬菜，望落都覺得豐富，飲起來有少少冬陰公feel，佢係番茄主調再加香茅檸檬葉酸酸辣辣辣味。椰香沙爹賣相
風評甚佳的「鄭師姐泰式素食私房菜」存在我的口袋名單很久，這天上午去佐敦辦事，剛好順路行過去試下。上到去見重門深鎖以為摸門釘，好彩按完門鐘有得食！食物質素果然一流，午市客飯套餐只收 HK$50 實在好抵，我一邊食已經一邊約朋友訂位食私房菜。
神秘的泰式素食私房菜位於尖沙咀一棟大廈樓上，樓下個商場殘殘舊舊，部升降機肥少少都行唔到入去，整個非常探險感覺。上到門口見拉晒閘以為無開，唔放棄的本人見到門鐘按下，等一會終於有人開門。
入面其實唔算有裝修，近門處就係廚房，走廊係儲物空間，層架上面有賣少量泰式醬料和素食產品。
平日十二點左右來到，這天係得我一個包場。
嘩！午市客飯套餐有成30款可以揀，選擇困難的話真係搞唔掂！菜式道道都好吸引，全部都有興趣試，本來我一早睇定想食19 泰式素肉燥豆腐飯，點知無喎，結果揀左食沙爹。
私房菜都只係 HK$180 位仲有成十道菜，會唔會太抵食呢？
椰香沙爹素豬扒飯 HK$50 + 泰式炸魚餅2件 HK$20
一坐低就先得到大樽唔知咩茶，反正幾好飲我飲左半樽。跟餐的例湯成碗都係蔬菜，望落都覺得豐富，飲起來有少少冬陰公feel，佢係番茄主調再加香茅檸檬葉酸酸辣辣辣味。
椰香沙爹賣相超級吸引！竟然仲有幾條菜心咬下，個沙爹醬有花生味有辣味有甜味，但各種味道非常平衡，唔會話邊個搶左邊個風頭，個汁真係好食到一滴不剩。
泰式炸魚餅薄薄一片好似無咩特別，咬落味道又做得唔錯，中間帶著纖維感，唔會炸得好油膩，點唔點醬都一樣好食。
食完飯仲得到糖水一碗，它是暖暖的椰汁西米，味道唔會太甜，椰汁香濃西米大粒。因為太好食既關係，我一邊食真係一邊約素食朋友，已經訂左位下禮拜再來吃私房菜啦！
張貼
