嘉寶漢堡 (已搬遷) 新店位置

這家好好吃啊！！聞說嘉寶漢堡已久，卻一直以為只有肉肉漢堡食。最近才知道佢地有素漢堡，仲有兩款添，而且真係好夠鑊氣好有水準，非常推薦！嘉寶漢堡有兩間分店，這天去吃尖沙咀店，它不近尖沙咀地鐵站，比較近尖東，不過都唔難搵。除了牛雞豬蝦羊，竟然仲有兩款素食，唔想食素肉可以揀烤菇，想豐富少少可以揀impossible burger。想再升級仲可以加煎蛋、菠蘿再加隻烤菇之類。單點漢堡只係 HK$62，Impossible 來說可能平絕全港，我同一日在另一間cafe見到要HK$158(汗)漢堡可以升級套餐，配薯條、薯格、沙律、番薯條等，仲包飲品添，CP值夠晒高。 V2 Impossible素肉芝士漢堡 HK$62 (升級套餐+HK$15)好久沒吃這種港式漢堡，麵包煎得焦脆，Impossible扒剛好juicy，塊芝士溶得勁靚，沙律醬好味又唔會太突出，生菜唔會好濕或者咬唔開，仲有必須的焦糖洋蔥，咬落去超滿足勁好食！個薯格都好正，好耐無食過咁有水準的炸物，這才是熱氣野的真諦！寫完都已經有少少掛住，搵日又再去食過先！不過熱氣野唔可以成日食，哈哈。