元朗冰室

營業中

休息中

茶記可以稱得上港人日常生活都好大機會接觸到！今日行過一間馳名食豬扒嘅元朗冰室，見人地講真係又厚又大塊又香口，一直都想食架啦，見到仲唔入去！好彩係見完客2點幾，中午時間同事話真係好多人排隊架！我哋專登黎食，梗係要order名物「#招牌厚豬扒」！上枱真心大塊同我手掌咁大呀，我點個份係配左司華力腸飯，厚豬扒開頭仲驚佢硬，點知入口有驚喜，夠鬆化呀！另外同事就點左 #招牌沙嗲牛肉麵，沙嗲濃香味，啲牛肉都好淋好易咬呀！另外仲點左大大件嘅 #奶油脆豬，大癲！巨型size嘅奶油脆豬真係好香脆，最精華所在梗係入面沾滿練奶，成個奶油脆豬真係100分！另外我好想食 #菠蘿包，即刻點埋黎食！另外2位同事就點左鑊氣十足嘅 #乾炒牛河 同 #沙嗲金菇肥牛炒烏冬，夠鑊氣之餘仲好香味撲鼻添！大家見到個餐牌仲有 #BB鴿，一於分黎食，皮脆肉嫩，由於即燒所以黎到個時仲好炙口架，仲有精華油脂流汁，太邪惡了！明明大家都勁飽，老實講份量確實係好大份，有個為食兼食唔飽嘅同事有咩好處？可以貪心啲叫多幾樣食物，佢仲點左隻大大 #炸雞髀，又係一份邪惡嘅食品囉，個皮脆到卜卜聲呀！