街坊Cafe (已結業)

次次去親MK都揀唔到食咩！因為實在太多餐廳啦！咁岩之前個ig唔知點解幾個friends都出左佢既食評，所以今次就揀左佢試。入面既環境都ok，幾好坐。靜靜地幾舒服。因為好肚餓，所以叫左3個餐。每個餐都會跟一個湯，我地就貪得意點左碗仔翅食。因為自從小食館執左之後，都好耐冇食過啦！味道就中規中矩，唔會太咸，不過料就少左d。第一個叫左蕃茄肉丸河粉。平時意大利粉就食得多，crossover河粉都真係第一次試。口感都幾得意既，滑滑地。蕃茄味就爭少少，唔夠蕃味第二個叫左鐵板燒澳洲西冷。本身見佢圖到係薯格嫁，點解上個下變左薯條嫁？！好在都唔算好差，炸得ok既，係冇薯格咁正囉。西冷晒熟成道過左少少火候，不過口感都算合格，又未到完全切唔開既情況。最後叫左龍蝦汁海鮮意大利飯。咦個都幾surprise，因為又係crossover咁，會有蟹籽係面。雖然口感黎講食得出唔係意大利飯，不過味道都ok，龍蝦汁幾很濃。仲有d菇呀蜆呀之類食。