影片
更多
2022-10-16
41 瀏覽
北角區好似冇乜出名嘅燒味舖頭，除咗一間比較老式嘅，就好似係呢間炯記嘅燒味餐廳，平時行過走過都見好多人叫外賣，所以今日決定入嚟一試。三個人叫咗兩個主菜再叫啲小食，始終佢都係燒味店，所以我哋叫燒味為主，叫咗一個四寶飯，一個燒鵝鵝油撈麵（佢話係佢哋嘅招牌），另外叫咗個海蜇燻蹄，最後再加多個泰式鳳爪小食。首先講一講佢個四寶飯，原來佢唔係完全燒味嘅四寶飯，有佢嘅特色手撕雞同埋佢特製嘅豬手，另外就係配紅腸叉燒。叉燒應該唔係用梅頭肉，個樣比較似五花腩，但係食落又唔會覺得好肥，嗰個叉燒醬調得幾好非常值得欣賞。紅腸就正常；豬手都做得唔錯，軟硬度適中嘅入味；手撕雞都幾好食，下次可以試一試佢個手撕雞腸粉。燒鵝鵝油撈麵。燒鵝份量略嫌少咗啲啲，但係個味道幾好，燒鵝味都幾出配，搭埋佢個鵝油撈麵就幾襯嘅，佢個鵝油撈麵唔會太乾身，但食落又唔算覺得太油，果然係佢嘅招牌菜。海蜇燻蹄粉量幾大，我哋幾個人撐差食唔曬啲燻蹄，而家燒味舖都比較少做燻蹄，所以 起到食到真係幾驚喜，海蜇都唔錯好香麻油味。最出乎意料之外嘅係原來燒味舖做嘅泰式鳳爪都好好味，佢嘅魚露同醋嘅比例啱啱好，酸甜度適中，食落非常開胃。如果下次經過可能都會買返佢啲燒
三個人叫咗兩個主菜再叫啲小食，始終佢都係燒味店，所以我哋叫燒味為主，叫咗一個四寶飯，一個燒鵝鵝油撈麵（佢話係佢哋嘅招牌），另外叫咗個海蜇燻蹄，最後再加多個泰式鳳爪小食。
首先講一講佢個四寶飯，原來佢唔係完全燒味嘅四寶飯，有佢嘅特色手撕雞同埋佢特製嘅豬手，另外就係配紅腸叉燒。叉燒應該唔係用梅頭肉，個樣比較似五花腩，但係食落又唔會覺得好肥，嗰個叉燒醬調得幾好非常值得欣賞。紅腸就正常；豬手都做得唔錯，軟硬度適中嘅入味；手撕雞都幾好食，下次可以試一試佢個手撕雞腸粉。
燒鵝鵝油撈麵。燒鵝份量略嫌少咗啲啲，但係個味道幾好，燒鵝味都幾出配，搭埋佢個鵝油撈麵就幾襯嘅，佢個鵝油撈麵唔會太乾身，但食落又唔算覺得太油，果然係佢嘅招牌菜。
海蜇燻蹄粉量幾大，我哋幾個人撐差食唔曬啲燻蹄，而家燒味舖都比較少做燻蹄，所以 起到食到真係幾驚喜，海蜇都唔錯好香麻油味。
最出乎意料之外嘅係原來燒味舖做嘅泰式鳳爪都好好味，佢嘅魚露同醋嘅比例啱啱好，酸甜度適中，食落非常開胃。
如果下次經過可能都會買返佢啲燒味返屋企食，特價咗之後價錢幾抵食。
張貼
