金記冰室 (已結業)

出外工作前要與伙伴再開會，但大家要晚上十一點才有時間開會，又由於有一位伙伴已回家，所以要遷就他，選擇了北角和富道的金記冰室，原來只有我未食晚飯，可以當宵夜一齊食。我點了焗鮮茄豬扒飯($52)，凍檸茶(跟熱飲免費，凍飲加$3)，其他人只飲嘢。焗鮮茄豬扒飯，其實已經食過無數次，但為何仍然經常再食，因為幾間金記冰室收凌晨十二點，可以作宵夜，又其實金記冰室的焗鮮茄豬扒飯已經做得很好，鮮茄夠新鮮、加上芝士焗....非常惹味，豬扒夠淋身，炒飯底又夠乾身，有85分。飲品繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍夠茶味，合格。