日船章魚小丸子 (已搬遷) 新店位置

雖然睇落條隊有啲長，但排落一陣間就到，嘢食出得好快。小丸子外脆內軟，粒粒章魚都大大粒，外層脆卜卜到一個點，但裏面都唔會乾真真，而係柔軟而奶香重，配合埋醬油同沙律醬 成個層次係非常和諧，沙律醬帶甜，令人愈食愈有食慾，最鍾意就係上面啲木魚，新鮮出爐嘅章魚燒熱氣會令到木魚喺上面跳動，暫時係香港食到最止好食嘅正宗章魚燒😍除咗章魚燒之外都有唔少少食，都係finger food，糖心蛋澀得來醬油味足，蛋香重，芝士麵香滑邪惡，鹹香味濃。其他都算過得去， 性價比唔錯嘅外賣店。