粗店燒烤 (已結業)

今日同朋友黎呢間叫粗店燒烤嘅餐廳，近排好多人鍾意上深圳，我反而覺得近近地呢間都好唔錯。而且餐廳環境乾淨。叫左勁多串燒，佢係qr code 落單。海鮮肉類菜類都好齊全，仲有d carbs可以叫下。調味料d串燒本身都有調味，而服務員都會倒孜然同辣椒粉等大家自己點。特別一讚餐廳每張檯頭頂都有個好似燈籠咁嘅野，原來係紙巾盒，好貼心。由於叫左好多野食，特別講下自己覺得最好食嘅：涼伴冷面超好食，而去份量好多。encore左一次，燒生蠔勁肥美，蒜蓉辣椒味好重。非常大隻無沙，清甜。d湯好濃海鮮味。原隻魷魚，彈牙香口。大推燒菠蘿，勁甜勁多汁。燒韭菜同翠玉瓜都好juicy。呢個蟹籽燒玉子甜甜地，勁香嘅蛋味。燒牛肉羊肉都好食，質素都平均。