黑門水產すいさん (棉登徑)

尖沙咀成日見到呢一間餐廳都好想食 就係我哋鼎鼎大名嘅黑門水產啦 佢哋嘅餐牌食物種類非常之多 而且每一度菜式我都好想食 首先講吓佢嘅黑門令蟹味噌夾羅燒 啲蟹膏放喺餅乾上面食真係非常唔錯 食一兩件都唔會好滯以佢嘅蟹油蒜燒帆立貝 蒜香味好香 帆立貝亦都索晒啲蟹油 配成碗白飯食都得！刺身六盛 個人覺得最好食竟然係佢嘅吞拿魚 吞拿魚無筋 而且有入口即溶嘅口感 就算唔係食緊拖羅嘅部位 都可以食到呢一種口感！赤鬼海老天反卷入面包住嘅唔係淨係炸蝦咁簡單，而係天婦羅蝦，呢個真係幾驚喜！黑門令大漁魚子醬脆脆包呢一個真係食完都唔會後悔，因為將我所有最鍾意食嘅嘢放上一個包上面，包括左蟹肉、海膽、三文魚子、魚子等等嘅食材，一啖放晒落口真係好滿足！