影片
更多
2020-11-28
1043 瀏覽
一直覺得美孚無咩好野食，最近終於開左一間打卡-able 的日系舒芙蕾鬆餅店，除了鬆餅也有各種早午餐，又有茶又有咖啡飲，街坊終於有靚咖啡店坐下。美孚地鐵站A出口行出來一直向前行，見到OK便利店過馬路再行幾步就見到。入面是日系咖啡店的裝修風格，近門處有一排單邊二人位，街坊好似覺得要打側坐唔太舒服，我就鍾意夠開揚同埋有日光影相比較靚。入面還有一些二人檯和卡位四人檯，座位總數目唔算多，下午茶時間都可能要等位。食物主打班戟，有鹹也有甜食，另外有法式吐司、意粉和三文治等，正路咖啡店食物，我見賣相普遍都唔錯既。飲品有咖啡也有茶，特色口味的咖啡賣相都有心思，影相唔錯架。櫃台有個點心櫃，有曲奇、蛋糕和貝果之類可以望下。這裡精選四款茶葉，我覺得都幾特別喎，好少有Cafe會注重品茗這個環節，可以聞一聞茶葉再決定飲邊款，連茶屬溫、平定涼都有話你知架。潮州單叢 (青茶) HK$31我選了這個烏龍青茶，有茶壺連一隻小杯送上。因為櫃台有提供熱了，所以我飲完就自己沖水Refill，飲左三泡都仲好好味。第一次食梳乎厘班戟配中式茶，感覺都幾有趣。玫瑰鮮奶咖啡 HK$42女仔朋友見到有玫瑰咖啡都會直接揀，真係視覺動物，不過
一直覺得美孚無咩好野食，最近終於開左一間打卡-able 的日系舒芙蕾鬆餅店，除了鬆餅也有各種早午餐，又有茶又有咖啡飲，街坊終於有靚咖啡店坐下。
美孚地鐵站A出口行出來一直向前行，見到OK便利店過馬路再行幾步就見到。
入面是日系咖啡店的裝修風格，近門處有一排單邊二人位，街坊好似覺得要打側坐唔太舒服，我就鍾意夠開揚同埋有日光影相比較靚。入面還有一些二人檯和卡位四人檯，座位總數目唔算多，下午茶時間都可能要等位。
食物主打班戟，有鹹也有甜食，另外有法式吐司、意粉和三文治等，正路咖啡店食物，我見賣相普遍都唔錯既。
飲品有咖啡也有茶，特色口味的咖啡賣相都有心思，影相唔錯架。
櫃台有個點心櫃，有曲奇、蛋糕和貝果之類可以望下。
這裡精選四款茶葉，我覺得都幾特別喎，好少有Cafe會注重品茗這個環節，可以聞一聞茶葉再決定飲邊款，連茶屬溫、平定涼都有話你知架。
潮州單叢 (青茶) HK$31
我選了這個烏龍青茶，有茶壺連一隻小杯送上。因為櫃台有提供熱了，所以我飲完就自己沖水Refill，飲左三泡都仲好好味。第一次食梳乎厘班戟配中式茶，感覺都幾有趣。
玫瑰鮮奶咖啡 HK$42
女仔朋友見到有玫瑰咖啡都會直接揀，真係視覺動物，不過杯咖啡係幾靚既。
焦糖朱古力梳乎厘 HK$95
三塊震騰騰的雲朵梳乎厘，配上幼滑朱古力忌廉，另外仲有幾塊焦糖香蕉。梳乎厘班戟有蛋香，但佢完全hold唔住個形狀，有點像燉蛋的口感。上面的朱古力醬不算非常濃朱古力味，感覺像溶化的朱古力牛奶雪糕。
全日早餐 HK$85
朋友吃的是全日早餐鹹食鬆餅，有兩塊鬆餅、沙律、煙肉、太陽蛋和薯餅，整盤非常豐富，賣相也很誘人，感覺非常良好。
雖然個市好似唔係幾好，但香港每日都有新餐廳新咖啡店開業，終於都開到入美孚啦，住附近又搵唔到地方消閑打卡的話，現在有好去處了！
張貼
