影片
營業時間
今日營業
08:00 - 21:00
星期一至日
08:00 - 21:00
以上資料只供參考, 請與餐廳確認詳情
162 瀏覽
正所謂偷得浮生半日閒，平常周六、公眾假都會專登出街食早餐，但大多數一喺茶記，一喺快餐店。老婆話佢出咗少少獎金，今次就要食餐好，一於食番餐全日早餐啦（都好耐無食喇），晌美孚有供應嘅唔多，第一時間諗起「PHI」。平時就算星期六經過都見唔多人，但今次真喺有啲意外，全場近乎坐滿。一室日系淺木色裝修，配以柔和燈光，感覺蠻寫意舒服。我哋被安排坐晌較入位置，有種自成一角感。目測所見，好多家庭客，當然唔少喺街坊，撻住拖鞋落嚟。多年前嚟過食午餐，早餐都喺第一次，話晒比較少花成嚿水食一個影早餐。呢度嘅早餐重點，主要都喺全日早餐同梳乎厘班戟早餐，此外，都有啲意粉類、沙律類早餐。全日早餐梳乎厘（兩件）$75梳乎厘可以揀1、2、3件，老婆原本話食一件就夠（因為佢有麩質敏感，都喺間中偷雞食吓。），但見俾多$13就多一件，當然嗌夠兩件啦，一人一件，而基本嘅組合會包埋煙肉同煎蛋，老婆就再額外加咗牛油果同煙三文魚，整份組合就盛惠$105。啲食材質素高，牛油果夠晒熟，口感綿滑，煙肉煎得脆口，又唔肥，唔好以為煎蛋煎過籠，喺老婆唔鍾意食生蛋黃，呢隻人煎到全熟正正合佢心意；至於件梳乎厘班戟絕對保持水準，淋上糖漿，純甜美味，好有蛋香，口感綿密輕盈。香煎雞扒全日早餐 $92小弟就叫番一個較傳統樣嘅全日早餐，有沙律菜、車厘茄、炒蘑菇、煎太陽蛋、多士同雞扒，唔好話睇落普通，一樣喺有心恩晌裡頭。啲車厘茄應該喺焗過，因為咬落暖暖哋，多汁清甜，用上丹麥多士，食落自然更具酥香感，雞扒仲俾到兩大件，煎得香口，肉質夠嫩，絕對交足貨，咁嘅價算得上性價比高。鮮奶咖啡、朱古力咖啡餐飲可選任何一款意式咖啡，冷熱同價，嚟得呢類咖啡店點可以唔嘆杯靚咖啡吖，小弟就鍾情鮮奶咖啡，而老婆就揀杯咖啡味無咁重嘅朱古力咖啡，兩杯嘅拉花都好唔錯，平滑而花紋細緻。前者沖泡手勢好，晌無攪嘅情況下，每口口感、味道都好一致，順滑醇香；後者濃郁嘅朱古力，帶少少咖啡香，啱晒老婆喜好。我哋入座後嘅早段時間，全座近滿，但只得一位後生女侍應，佢真喺堅，傳菜、沖咖啡、收銀一腳踢，忙到不可開交，但依然有禮且面帶笑容，咁嘅服務真喺讚得一讚！之後多一位後生仔返工，自然運作更流暢，佢都喺好有禮貌，所以，服務方面俾夠佢哋滿分。
繼續閱讀
Phi's summer flavors this year are Peaches and their featured dishes include their Pancakes and Salad.Their Burrata cheese dish was a bit small and I would say it duplicates with the Souffle Pancake dish as the Earl Grey Aroma was not as fragrant as I hoped for.They always nail their pancakes and this was no exception. Besides the whole white peach which makes it look more aesthetically pleasing, they also have more smaller pieces of white peach which you can eat with the pancake easily. They have maybe read my past reviews and added much less cream which was just right. Looking forward to their next season.
繼續閱讀
食物質素OK唔算非常好但都唔難食，但價錢偏貴，特別梳乎厘pancake 每款都要$100幾再加一。主要想講依間分店服務員很奇怪，四個人來食只給我地三杯水，追問下先講原來唔夠杯、話洗緊😅本身已不是很多客人，但係都唔會主動加水，而且加得好少，係咪水都煲唔切？😂最奇怪嘅係明明左右兩邊都可以上菜，唔知點解係都要響一個食緊嘢嘅人上面上菜比隔籬嗰個枱上面無食物既人，我認為呢間公司嘅職員全部都需要再做訓練，只會方便自己唔會諗吓客人嘅處境，比較自私…純粹想方便自己，行多2步都唔行。
繼續閱讀
好少寫食評，但呢個要寫！母親節嗌咗個set，見幾多嘢食就試下7點半左右入座，完全唔想招呼我哋咁因為8點半收工？一入去叫完嘢食，個高大男侍應都幾有禮貌好快啲嘢食就一窩蜂咁送上食都食唔切，先嚟個餐湯，然後即上其中一個main，沙律都未到就食主菜，食食下飲品就到，杯抹茶鮮奶8成都係奶，完全無味😥無啦啦又上返個小食🫠轉個頭上埋個cheesecake🤷🏾♀️成檯都係食物錯晒嘅次序，驚你食得太慢一野隊晒上嚟唔使叫起，個梳乎厘自動上場！半小時唔使就上晒所有嘢🙃🙃🙃重點嚟喇最後問一問一個女職員有冇洗手間，佢個反應係🙄加😒，手指住隔離，叫我哋去隔離，但佢管理唔到自己個面部表情，衰到爆！成餐飯就係啲員工覺得你阻住佢哋收工嘅樣！總之就唔會再去呢間嘢！
繼續閱讀
超級超級巨型menu哈哈哈整跌埋啲叉🫥🫥真係超大個menu😜松露奶油雜菌扁意粉（$102）貨很對版，有少少驚喜！✨而且佢竟然有煙呀！好少可cafe真係食頭十啖都係熱，太好👍🏽等嘢食嚟係耐咗啲嘅味道就真係好而且顏色都好有食欲～～✨甘筍就生咗啲，好硬仲有半舊大啡菇㗎，呢個價錢都算抵食👍🏽👍🏽經典英式伯爵茶梳乎厘（$158）呢間係專食梳乎厘比較出名😶仲貴過個pasta😂個梳乎厘係真係好軟熟有少少入口即溶唔係求其一嚿蛋糕就算試過食啲cafe啲梳乎厘都係一嚿蛋糕咁款伯爵茶味說實話就不夠面上有塊格仔餅 賣相好另外都提提大家！打電話book咗枱。但嘥氣人多起上嚟都係要等返1️⃣5️⃣分鐘而且你一食完一分鐘內就收咗你隻碟🌫️
繼續閱讀