從⋯異世界 (已結業)

喺香港第一次去女僕Cafe雖然本身唔係漫畫狂熱，但係都好想睇下有無驚喜！入到去環境非常寬闊，先搖一下鈴鈴 就會有女僕出泥！坐左一個唔錯嘅位置，裝飾都幾靚，特別係霓虹燈位，打卡一流😋我哋叫咗個套餐 包括左兩個主菜，聽聞呢度嘅蛋包飯好出名，於是我哋都決定試吓。可以睇到蛋包飯煮得好滑，然後佢地就會幫你畫畫！個公仔都幾別緻，好可愛😚😚 而且佢哋仲會喺每一樣上菜既時候，都會同你施展魔法❤️❤️ 可以去到裏面有好多粟米同埋火腿粒，食落去都幾唔錯，加上仲要係由女僕們親手整！正呀！飲品方面叫咗個smoothie, 飲得出係新鮮嘅士多啤梨同埋香蕉，都幾清新。到甜品部份，叫咗個Tiramisu 同女僕限定diy cake. 前者口感好綿密，以後者係檸檬蛋糕，食落去酸酸甜甜❤️最後當然係可以同女僕影相啦❤️而且佢哋都非常善談，就算一個人黎都唔會悶🌞