34
0
0
港鐵銅鑼灣站 B 出口, 步行約1分鐘 繼續閱讀
電話號碼
24240112
開飯介紹
採用了著名動漫《Re:從零開始的異世界生活》的名字,為一家女僕及動漫主題的餐廳。由香港模特兒馬俊怡Rose Ma所開設,同時亦可作各動漫活動的展覽場地、表演舞台。 繼續閱讀
營業時間
今日營業
14:00 - 23:00
星期一至五
14:00 - 23:00
星期六至日
11:00 - 23:00
公眾假期
11:00 - 23:00
付款方式
現金
其他資料
網上訂座
賞訂座積分
加一服務費
有關獎賞計劃
食評 (36)
等級4 2020-05-16
436 瀏覽
Gimmick cafe in Causeway Bay女僕café?今次同朋友去左銅鑼灣一間新開既女僕Café呢間Café叫從異想世界餐廳主打簡約風入面個裝修用白色為主餐廳入面有stage 同埋有霓虹燈位可以打卡入去前要係門口拉個噹噹先之後會有女僕出黎帶咁多位主人入去異想世界食物方面 主食佢地係以蛋包飯為主Order完 會有女僕過黎係個飯上面畫花同施魔法@maid.reworldsLocation: Causeway BayPrice (10 is expensive): 7/10Yummy (10 is delicious): 7/10 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-03
298 瀏覽
以前睇日劇時經常看到日式女僕cafe的畫面,去日本旅行時都想試一試體驗,但是因為語言不通怕尷尬而唔會去幫襯,知道銅鑼灣新開了女僕cafe,帶住期待又新奇的心情去試下這餐廳。到左餐廳門口,裝修似遊戲世界的入口,搖下門口的響鈴,有位女僕很有禮貌出嚟招待,先為我們量度體溫及消毒,確保食客安全衛生。坐低後,先睇睇餐廳的守則,然後女僕會介紹自己,每張枱旁邊都有個搖鈴,我哋兩個人就叫了開掛人生,這是包一杯飲品、主菜(蛋包飯)同埋一客自選甜品。飲品是凍鮮奶朱古力和百利甜酒朱古力,飲品唔會覺得好甜,甜酒朱古力的味道幾特別,少少似食緊酒心朱古力,係飲用之前,先跟女僕施法術,女僕比人感覺好甜美親切,施完魔法有總心情愉快的感覺。主食是蛋包飯,蛋包飯送上後,女僕會問客人喜歡什麼公仔,之後女僕就即場用茄汁繪畫了小新、同小貓咪再加上女僕專用魔法,令到平凡的蛋包飯變得更吸睛、賣萌,真係有少少唔捨得食呢!至於味道方面,蛋包飯的蛋好滑、飯底用了茄汁、粟米、火腿,整體味道都唔錯。是日的限定女僕Diy蛋糕是紅莓芝士蛋糕,紅莓味好香,芝士蛋糕好滑,伴碟的兔仔畫得好萌。另一份是曲奇雪芭,窩夫部分焗得好脆,整體又有賣相又好味,女僕又好有心思。最後仲可以同女僕影張即影即有,初次體驗女僕cafe估不到有點喜出望外呢! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-30
310 瀏覽
今次係同朋友嚟到銅鑼灣一睹女神 - Rose Ma嘅風采,仲要係女僕cafe, 超kawaii呢~~為左捕捉馬馬,上網check定當值更表,見到真人好滾動😍!女僕為我地安排好座位後,介紹今日既餐單,我地揀左既係「開掛人生」呢個套餐,有主食、飲品、甜品同最重要既直筆一張,有得食有得拎,正!主食揀左蛋包飯,嚟到枱,女僕會係我哋面前親手畫茄汁畫,so cute~~~之後要施魔法令食物變得更美味,我地玩得好開心!飲品名都好有心思,一杯「絕對領域」梳打同「未聞花名」沙冰,施完魔法特別好飲~~甜品揀左曲奇雪葩同女僕DIY蛋糕,同樣擺碟夠晒心思,味道甜絲絲~最後拎埋同女僕一齊影嘅即影即有相,加上女僕用心畫同簽名,大滿足!! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-29
1087 瀏覽
由「電競女神」Rose Ma 開既(從…異世界) Re:Worlds Maid Cafe,以藍、白為主色調,入去之前係門口搖一搖門玲,可愛既女僕就會跳出黎,好浪漫咁帶住你入去你今晚既dining table,從呢一刻開始,你就是一個主人master。進入異世界前 請輕搖鈴鐺召喚女僕!咁難得嚟到女僕cafe當然要同kawaii嘅女僕留倩影,佢呢度有幾款套餐我哋揀,揀咗比較經濟嘅『開掛人生套餐x2 @240 each』,套餐包括有直筆單張x1、主菜、甜品、飲品。蛋包飯,先跟女僕一齊施魔法唸咒語,就算唔識日文都要落足力。然後女僕用佢支番茄筆喺蛋包飯上面畫圖案,我哋畫咗萬人迷比卡超!黃色底嘅蛋包飯,當然要搵啲黃色嘅卡通人物,eg Minions。玫瑰花茶,採用優質斯里蘭卡英式果花茶包,茶味不算濃,卻入口滑身,玫瑰香突出,帶薄薄回甘香,氣味清爽。用新鮮生果打成嘅smoothies,十分迷人,呢杯有士多啤梨同埋香蕉,相當smooth,而且充滿奶香。流心心太軟,做到cream暖暖地,真係做到流心嘅感覺,都幾creamy。小確幸,喜出望外嘅係甜品都幾高質,有較高級嘅冧酒提子雪糕,加咗啲棉花糖威化脆脆等等,最後可以同女僕一齊影相,當然食得相當幸福! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-27
703 瀏覽
知名電競女神 Rose ma最近係銅鑼灣開左一間從....異世界女僕cafe, 今日就捉埋男友一齊黎潮聖。Cafe位於2樓,門外設有搖鈴。客人先搖鈴噹,就可以召喚女僕。女僕先在店內幫客人量度體溫及附消毒搓手液就可進入店內。坐低後,女僕首先會給[客人守則] 給客人細閱。每桌上均設有搖鈴用來召喚女僕。餐牌有4個套餐~我地分別都叫左[開掛人生]套餐$240包(即影即有單張+主餐1份+飲品1杯+甜品1份)夏祭 蘋果芒果口味奶昔,唔會過甜。絕對領域 用藍橘子口味沖製的梳打特調,顏色夢幻又幾順口。上菜時,還有女僕教你念變更加好味嘅魔法!因仍在試業當中,女僕表示主菜暫時只提供蛋包飯。仲可以請女僕按照自己喜好畫上心愛嘅公仔。 男友要求畫嘅籃球圖案同我心愛嘅布甸狗都畫得非常神似,都真係不得不佩服女僕嘅畫工。嫩滑足料雞蛋下內藏茄汁煙肉炒飯,還加入黑椒調味。朱古力香蕉waffle 同樣畫上QQ圖案。Tiramisu 咖啡酒味都幾濃郁。呢間以女僕主題cafe 來講,食物質素合格以上。 繼續閱讀
(以上食評乃用戶個人意見 , 並不代表OpenRice之觀點。)