影片
更多
2019-03-08
343 瀏覽
婚後少左返娘家，有時間點都要陪下屋企人，所以前排就帶佢地去食好野，等佢地開心下順便團下年。媽咪好鐘意食海鮮，所以就決定帶佢去食自助餐，結果就去左黃竹坑嘅如心南灣海景酒店L'Hotel 入面嘅 LIS Café 食自助餐喇！咁啱做緊【龍蝦。海鮮盛宴】主題自助餐，有屋企人至愛的阿拉斯加蟹腳，今次佢可以食返夠本喇！～呢度提供的海鮮種類有好多，除左不停refill嘅阿拉斯加長腳蟹、冰島大蝦、青口同冰鎮波士頓龍蝦！全部新鮮美味，特別係爽口彈牙的大蝦，有夠鮮甜。好多時食自助餐都有長腳蟹腳，但唔係間間的蟹腳都鮮甜多肉，LIS Café的阿拉斯加蟹腳好夠份量，而且好厚肉架。如果有需要用到拆蟹拆蝦的工具，都可以問職員。雖然我自己就唔係特別好海鮮，但係刺身魚生就絕對滿足到我～除左刺身，佢地仲有精緻迷你的魚生丼，新鮮大蝦、帶子、鮑魚，賣相非常吸引，食落去都好鮮味。媽咪仲大讚佢地魚生丼嘅賣相，真係擺得好靚～仲有美味嘅蟹粥，點都要試返碗先得～呢度仲有個冷面DIY區，同出面的酒店自助餐好唔同，呢度有好多配料Toppings比你自選配搭，做出最啱自己口味嘅綠茶麵、蕎麥麵，都幾得意～熱食嘅選擇其實都有好多，仲有足料靚
媽咪好鐘意食海鮮，所以就決定帶佢去食自助餐，結果就去左黃竹坑嘅如心南灣海景酒店L'Hotel 入面嘅 LIS Café 食自助餐喇！咁啱做緊【龍蝦。海鮮盛宴】主題自助餐，有屋企人至愛的阿拉斯加蟹腳，今次佢可以食返夠本喇！～
呢度提供的海鮮種類有好多，除左不停refill嘅阿拉斯加長腳蟹、冰島大蝦、青口同冰鎮波士頓龍蝦！全部新鮮美味，特別係爽口彈牙的大蝦，有夠鮮甜。
好多時食自助餐都有長腳蟹腳，但唔係間間的蟹腳都鮮甜多肉，LIS Café的阿拉斯加蟹腳好夠份量，而且好厚肉架。如果有需要用到拆蟹拆蝦的工具，都可以問職員。
雖然我自己就唔係特別好海鮮，但係刺身魚生就絕對滿足到我～
除左刺身，佢地仲有精緻迷你的魚生丼，新鮮大蝦、帶子、鮑魚，賣相非常吸引，
食落去都好鮮味。
媽咪仲大讚佢地魚生丼嘅賣相，真係擺得好靚～
仲有美味嘅蟹粥，點都要試返碗先得～
呢度仲有個冷面DIY區，同出面的酒店自助餐好唔同，
呢度有好多配料Toppings比你自選配搭，
做出最啱自己口味嘅綠茶麵、蕎麥麵，都幾得意～
熱食嘅選擇其實都有好多，仲有足料靚湯，咸菜豬肚湯、茶樹菇唐排煲雞，裡面真係落足料去煲～平時係屋企自己都懶得煲湯，今次飲左好幾碗，感覺好滿足！
茶樹菇唐排煲雞，真係有一大堆茶樹菇係裡面，味道香濃，飲完即時暖返哂。龍蝦燉蛋是腑中式蒸水蛋手法蒸熟的滑溜水蛋，配上龍蝦濃汁，水蛋滑溜加上鮮味龍蝦肉，口感味道都值得一讚，龍蝦味超香丫！
食到一半，聽到有新野出，排完一輪隊終於拎到呢個龍蝦穌。
龍蝦穌外層香脆，而裡頭有鮮味龍蝦同其他配料，對佢印象好深刻呢～因為無論口感到味道都啱哂我！
2月果時仲有限定的鮑魚花膠，同埋特式焗蠔，非常豐富！其實食到呢度都已經好飽飽。
不過最後當然要食埋甜品先走啦，呢度有好多款精緻甜品同埋Häagen-Dazs雪糕～
甜品控表示大滿足！
甜品放係凍櫃裡頭，由工作人員拎出來，保證新鮮～我地好怕太甜的甜品，L'Hotel LIS Café 的甜品同蛋糕都好有水準，唔會覺得太甜，款款味道都唔錯，賣相都好得。
吃到飽飽，加埋杯Häagen-Dazs真係好滿足！
好耐冇食過咁滿足的自助餐，從食物當中睇得出廚師唔單止水準高，仲好有Heart。4百幾蚊的酒店自助餐黎講，LIS Café的真係好高CP！而且滿足到唔同人的口味同需要，想信一家大細都好啱食～下次想再食自助餐，相信我都會去返呢一度，希望佢地一路KEEP住咁高質啦！
張貼
