駟馬拖車潮汕飯店
香港仔中心商場第2期1樓1，3及5-8 號舖。
呢間藏身喺香港仔中心屋苑入面嘅地道酒樓，環境唔算好大，但坐得舒服，客人以街坊及家庭為主。裝修走傳統酒樓風格，唔花巧，氣氛輕鬆貼地，啱晒同家人及朋友圍枱慢慢食🍽️。
今晚我哋兩個人嚟晚飯，叫咗湯及三道小菜，足夠兩個人慢慢嘆，可以試到佢哋幾款唔同風格嘅小菜，份量都幾足。
🦆 滷水鵝肉拼鵝腸
鵝肉入味帶滷香，肉質唔會韌，鹹香剛好。鵝腸清洗得乾淨又爽脆，好啱當下酒小食。
🌶️ 碧綠川椒雞
雞肉嫩滑，皮下油香啱啱好。川椒香氣突出，唔會過辣，又麻又香好開胃。
🍲 胡椒豬肚湯
湯底胡椒味濃郁，飲一啖成個人都暖晒。豬肚炆到軟腍，重胡椒控會幾鍾意。
🦪 潮式蠔仔烙
蠔仔份量足又夠鮮，唔會有腥味。外層微脆、內裡軟嫩，點埋酸甜辣醬會更惹味。
總括來說，菜式傳統且美味，性價比高，且環境寬敝，適合家庭及朋友聚餐。👍😋
