影片
更多
2019-02-11
138 瀏覽
今日去開香港仔搵朋友朋友話附近開咗好多唔同類型嘅餐廳咁就行下附近睇吓有啲咩食見到其中一間排晒長龍 勁多人等緊我地又心思思想試下咁就等左陣喇可能我哋人數少所以好快入到去門面就係收銀位同埋有職員帶位入去坐嘅環境乾淨 而且座位好多一坐低店員仲好貼心話俾我哋知枱側邊有啲勾勾可以掛袋坐低左之後睇左好耐份menu 太多野都想試下但又唔想眼闊肚窄最後我哋揀咗幾樣嘢食 分別有以下：軟腳蟹撈檬粉顏色十分之吸引 仲有切開左一半嘅軟腳蟹係啲檬粉上面 倒左啲酸汁落去撈下 令到成碗檬粉更加惹味 覺得更加係成個檬粉嘅精髓 因為佢酸酸甜甜會令你食指大動軟腳蟹都幾大隻 咬落去仲有啲脆嘅 成個配搭幾過癮🤤好有口感👍🏻地道串燒4串（雞）賣相幾吸引 顏色色彩豐富 有兩兜唔同嘅醬汁 可以根據返個人嘅口味點啲串燒 仲有幾舊烘過嘅麵包同配菜係個點綴我個人比較喜歡沙嗲醬 沙嗲味濃郁 醬汁入面會有少少花生粒 加埋落啲雞肉度根本就完美無瑕另外嗰醬汁係泰式醬 食落酸酸甜甜 幾開胃 我始終都係比較鍾意沙嗲醬多啲 比較算係始祖嘅感覺🙈椰汁千層糕原來呢個千層糕係熱食甜品黎嫁 估唔到佢係熱嫁🤣熱食反而令椰汁味更加出 仲有些少斑斕嘅味道 食完之後
朋友話附近開咗好多唔同類型嘅餐廳
咁就行下附近睇吓有啲咩食
見到其中一間
排晒長龍 勁多人等緊
我地又心思思想試下
咁就等左陣喇
可能我哋人數少所以好快入到去
門面就係收銀位同埋有職員帶位入去坐嘅
環境乾淨 而且座位好多
一坐低店員仲好貼心話俾我哋知枱側邊有啲勾勾可以掛袋
坐低左之後睇左好耐份menu 太多野都想試下
但又唔想眼闊肚窄
最後我哋揀咗幾樣嘢食 分別有以下：
軟腳蟹撈檬粉顏色十分之吸引 仲有切開左一半嘅軟腳蟹係啲檬粉上面
倒左啲酸汁落去撈下 令到成碗檬粉更加惹味
覺得更加係成個檬粉嘅精髓
因為佢酸酸甜甜會令你食指大動
軟腳蟹都幾大隻
咬落去仲有啲脆嘅
成個配搭幾過癮🤤好有口感👍🏻
地道串燒4串（雞）賣相幾吸引 顏色色彩豐富
有兩兜唔同嘅醬汁 可以根據返個人嘅口味點啲串燒
仲有幾舊烘過嘅麵包同配菜係個點綴
我個人比較喜歡沙嗲醬
沙嗲味濃郁 醬汁入面會有少少花生粒
加埋落啲雞肉度根本就完美無瑕
另外嗰醬汁係泰式醬
食落酸酸甜甜 幾開胃
我始終都係比較鍾意沙嗲醬多啲 比較算係始祖嘅感覺🙈
椰汁千層糕原來呢個千層糕係熱食甜品黎嫁
估唔到佢係熱嫁🤣
熱食反而令椰汁味更加出
仲有些少斑斕嘅味道
食完之後會齒頰留香
口入面仲會徘徊左椰汁千層糕嘅味道
呢個甜品算係唔錯
雖然佢今次嘅賣相一般
但好食嘅嘢唔係睇佢樣㗎嘛 而係睇內涵
其實我仲想試其他甜品
但啲店員話其他冇晒 咁唯有等下次再去試啦
仲有啲野飲
四季春（凍）同 炭燒烏龍奶蓋
同平時飲開啲手調飲品舖頭嘅水準一樣都係咁高
唔錯
張貼
