64
7
2
所有分店 (8)
電話號碼
25877282
營業時間
今日營業
07:00 - 22:00
星期一至日
07:00 - 22:00
付款方式
Visa Master 現金 八達通 銀聯
食評 (76)
等級4 2019-04-05
2928 瀏覽
雖然餐廳係個名好似主打星泰菜居多咁,但係都有好多特色既亞洲菜,成間餐廳嘅環境都好舒服又光猛。我地就叫左招牌無骨海南雞飯、秘製特色牛骨湯河、凍伯爵珍珠奶茶、凍火炙芝士黑糖珍珠鮮奶同一個小食馬來蜜汁炭燒厚切豬扒,嗌左冇耐嘢食都好快就黎到,碗牛河就好似越南河粉咁,成碗河雖然都係牛,但個湯底好清甜,如果加埋青檸汁就會有一種清新感覺,即刻令成碗牛肉河粉既層次提升左,令牛肉更加鮮味,所以食完都唔會覺得好膩,反而令到我更加開胃😍我好怕啲牛肉好韌,但呢到啲牛肉又唔韌,最正係啲牛柏葉😍完全索哂啲湯超入味同非常爽口,而且啲牛筋丸彈牙好juicy,牛筋就係好易咬好軟林林,好似食左勁多骨膠原落肚咁。河粉都好稔滑,唔會痴埋一舊。我好中意啲芽菜芫茜辣椒用另外一個碗仔裝住好正,因為好似我咁唔中意芫茜就可以唔加落去😂招牌無骨海南雞飯唔中意lur骨既我可以大大啖食雞肉,啲肉好滑 唔鞋 勁中意啲汁 可以撈哂成碗飯。而飯係油飯黎 香噴噴 配埋碗豬骨湯 飽哂~珍珠奶茶啲珍珠好有彈牙唔會死實,伯爵茶味重,唔會太奶 我中意。我朋友個杯奶蓋好多 佢中意勁有奶味 表示好滿意😝亮點蜜汁豬扒一定要食 好出色豬扒有炭燒同蜜糖嘅味道,豬扒邊邊位燒到焦焦地,但係又唔會太過火,所以食落去有焦脆嘅感覺好有口感。炸蒜係上面令到佢更加香口,配埋個地道嘅辣椒汁好match目測有兩塊大豬扒,切開有十幾舊 超大份超滿足✨✨ 繼續閱讀
(以上食評乃用戶個人意見 , 並不代表OpenRice之觀點。)
鮮有經過香港仔,在商場內發現經常光顧的檸檬草,裝修有點分別,但熟悉的親切感依舊,按捺不住的入座了環境企理,新淨寬敞,彩色吊燈吸睛點了 Mee 喇沙 $78,材料豐富,有大蝦、蜆肉、蟹柳、魚蛋、豆卜及雞蛋,湯底味道濃郁滋味,再配油麵加米粉的“慘慘”,必食之選。招牌無骨海南雞半隻 $118,押上招牌的菜式,加上無骨,正合我這種懶鬼的心意,這麼吸引,又怎能錯過。金黃肥美,肉汁豐盛,味道如一,好食😍😍😍點一點特制的甜豉油,完美啊~😍😍$76 的肉骨茶,其實相當超值。冬菇大大件,排骨也大大件,湯底亦非常好味道,個人而言,錯過這客肉骨茶會是一個損失。平日咖哩總是跟牛腩或雞肉,今晚的緬甸咖哩薯仔雜菜 $72,頗有新鮮感,其實咖哩配雜菜,味道也尚好。離開時才發現有珍珠奶茶、水果茶外賣處,還可以自行購票,認真貼近潮流 😂😂新張期間買一送一,直接回饋食客比賣廣告來得實際 🖒💖我亦不甘後人,即時買了2杯外賣回家去……😁😁 繼續閱讀
(以上食評乃用戶個人意見 , 並不代表OpenRice之觀點。)
之前係銅鑼灣初嚐 Mee...lemongrass🌿😍最近香港仔都開左分店🏁作為南區人當然要支持下🥰💕 叻沙味道好出色🤩配埋原隻波士頓龍蝦🦞夠曬霸氣💃🏻,新張優惠只係賣緊💲8️⃣4️⃣🥳🥳🥳 🦞原隻波士頓龍蝦叻沙🍜 ($84) 新張優惠關係,原價$$168的原隻波士頓龍蝦半價優惠,只賣$84,絕對超值!龍蝦勁大隻,打開仲大隻過碗,肉質鮮味彈牙,配埋叻沙湯味道一流! 配料方面,有豆卜、芽茶、雞蛋和生菜,浸在濃郁惹味的湯底上份外惹味。 主食預設是油麵拼米粉,但由於個人不太喜歡吃油麵關係,所以轉為米粉。 湯底方面,味道濃郁惹味,是我喜歡的叻沙味道,最後一滴不漏全都掃清了。 🐥招牌無骨海南雞飯🍚($74) 海南雞飯餐非常豐富,入面除了有主角無骨海南雞外,還有油飯一碗、湯和油菜,以小托盤送到桌上,精緻又吸睛。 海南雞肉質嫩滑可口,配上海南雞醬味道更為突出惹味! 🥥香芒椰汁糯米飯🍨 ($48) 糯米飯賣相精緻吸引,飯粒煙韌好吃,配上濃郁的椰汁和香甜的芒果非常美味。 🌴手作班蘭椰絲卷🌮 ($32) 班蘭椰絲卷味道很好,班蘭皮卷著滿滿的椰絲層次感和味道都很好。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-09
444 瀏覽
對香港仔果邊唔熟,見到哩間餐廳,乾淨企理,就唔想揀咁多,決定食佢。一試又幾好喔!牛骨湯河—$62朋友點左哩個河粉,分左d俾我試。個湯係好濃既(睇翻menu話熬左10個鐘),牛筋都整得幾淋。我覺得好抵食了,料都好足,牛丸、牛肉、牛腩、牛栢葉,鐘意食牛肉既朋友,真係可以試下。左下係加入去河粉既香料來。Mee 喇沙?—$78佢好貼心咁將d辣醬放係個勺度,可以照自己口味揀辣度,贊。哩個喇沙都一樣足料,而且入面既大蝦都幾彈牙同大隻,係新鮮果d,都好唔錯。食到一半,發現係有兩種粉,特色來既?🤣軟殻蟹米紙卷—$66米紙卷配埋酸酸既汁,好開胃又清新。估唔到佢主打馬來菜,又有d越南野,係menu見到有檬粉,依家d餐廳好多都集大成,咩都有d俾你揀下咁。奶蓋烏龍!佢仲有台式飲品🤣店員教係水吧部買外賣飲品,然後拎翻入餐廳飲。因為take away,飲品做緊買一送一!睇得出佢地係有俾心機設計,將d分店畫係餐紙上面👍🏻地方都幾闊落,乾淨企理!整體來講,想簡單同朋友食餐飯,傾下近況,係一個好選擇,食物出品亦都係幾好既。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-03
1253 瀏覽
這間mee...lemongrass之前銅鑼灣分店我中午經常和同事去。最近見它竟然在香港仔開分店,當然要和母親大人去試一試。十二點半到,人丁還不旺,不太要等位。這點比銅鑼灣店好哦。門口有餐牌,這特價龍蝦長期都有...而且由銅鑼灣到香港仔都一樣。呢間特別在門口有台式飲品counter,食星馬菜可以配珍珠奶茶,實在太幸福了!新開張還有買一送一優惠呢!我點了牛骨湯河,一如既往份量相當足夠,而且很足料!所有配料都有兩份,share食很足夠。香料可以隨喜好加。它的牛腩真的是神奇地大去,而且煮得很淋很入味。上桌係一個套餐的樣子,還有前菜和甜品,很滿足。跟餐配了黑糖鮮奶,只要12元!真係好抵飲,而且仲係用外賣杯可以帶回去慢慢飲,很貼心哦。母親大人點了龍蝦...其實我都預左會中伏,不過人總係要自己試過先死心,所以就由得她點啦。上桌係好大一碗,而且唔係跟餐,無得配珍珠奶茶。龍蝦自然唔多新鮮,同唔多肉。一分錢 一分貨,不能怪餐廳。個喇沙湯底都唔錯,幾夠辣下。而且摻摻麵都好好食。點番佢個招牌喇沙應該會幾好食。話說臨走時見到有一台6個人點了6碗龍蝦...哈哈,只能說,人生在世,總要一試以償心願! 繼續閱讀
(以上食評乃用戶個人意見 , 並不代表OpenRice之觀點。)