駟馬拖車潮汕飯店

籍貫潮州嘅我，係附近住左咁多年，第一次嚟呢間餐廳食飯。係香港要搵好食地道傳統又正宗嘅潮州菜好難，今日打完風就走左過嚟試。一開波又點少得一碟鹵水鵝片，下面仲有豆腐，份量唔少，啲鵝片非常新鮮👍🏻之後就係潮式炸雙棗，分別有蝦同蟹，我就覺得蟹棗更好食！食咁多肉同炸野又點可以唔嗌反碟潮州沙茶炒芥蘭，夠哂鑊氣又夠哂爽口！平時唔鍾意食菜嘅我都清哂成碟😛最後壓軸嘅係我最鍾意食嘅潮式糖醋麵，要整得好食好難，出面食個啲好容易就會漿住一pat野咁，但佢呢到夠哂薄而且煎得好脆，大推！😍佢呢到仲有免費糖水，個晚有綠豆沙同馬蹄爽，但可能我太夜食嘅關係，綠豆沙已經冇哂，逼於無奈試左馬蹄爽，點知好清爽好甜，非常驚喜👍🏻