影片
更多
2016-12-31
1128 瀏覽
來到聖誕假期最後一晚，梗係要去擦餐勁架啦，老婆大人鍾意oppa就去首首.韓式小館食韓國菜啦。先整杯Pinapple Moscow Mule，清香菠蘿味好吸引，引到老婆大人偷飲咗好多次。韓國嘢一定有前菜，泡菜，醃辣青瓜永遠唔會係我杯茶，都係益埋老婆大人啦。不過呢款醬油蓮藕就正到無輪，香甜爽口好味到彈起。吃餐前貪得意叫咗set韓國酒，紅色的用紅麴米釀出來飲落滑口香甜獨特，中間係濁酒韓國好普遍，有米香易入口好啱女士們飲，最後係酒精40度的燒酒，入口辣喉好濃烈，比得上中國的強勁白酒。嘆完酒要開餐喇喂！香煎脆薯餅，入口香脆不過薯仔好似冇調味，但係有個汁料可以點嚟食，不過我都係喜歡食原味多D。韓式宮廷煎蠔，補身的廣島蠔味道好重，加了蛋煎到香噴噴更加好味，平時怕食蠔的朋友可以試吓。韓式雞配甜辣汁，平時老婆大人都有用甜辣汁煮雞翼我食，所以這種辣我接受到呀，雞粒仲有少許脆口，肉地冇鞋烚烚好味吖。另一款雞係春川石板辣炒雞肉，對唔住呢個對我嚟講太辣喇真的頂唔緊！煎薄切牛腩心伴沙律，韓牛在港供應約一年，有得食梗係要食啦，牛肉味係香濃，入口亦夠滑，不過如果厚身啲嘅話我仲開心囉。銀雪魚香辣好味道又唔肥膩好正斗，平
韓國嘢一定有前菜，泡菜，醃辣青瓜永遠唔會係我杯茶，都係益埋老婆大人啦。
不過呢款醬油蓮藕就正到無輪，香甜爽口好味到彈起。
吃餐前貪得意叫咗set韓國酒，紅色的用紅麴米釀出來飲落滑口香甜獨特，中間係濁酒韓國好普遍，有米香易入口好啱女士們飲，最後係酒精40度的燒酒，入口辣喉好濃烈，比得上中國的強勁白酒。
嘆完酒要開餐喇喂！香煎脆薯餅，入口香脆不過薯仔好似冇調味，但係有個汁料可以點嚟食，不過我都係喜歡食原味多D。
韓式宮廷煎蠔，補身的廣島蠔味道好重，加了蛋煎到香噴噴更加好味，平時怕食蠔的朋友可以試吓。
韓式雞配甜辣汁，平時老婆大人都有用甜辣汁煮雞翼我食，所以這種辣我接受到呀，雞粒仲有少許脆口，肉地冇鞋烚烚好味吖。
另一款雞係春川石板辣炒雞肉，對唔住呢個對我嚟講太辣喇真的頂唔緊！
煎薄切牛腩心伴沙律，韓牛在港供應約一年，有得食梗係要食啦，牛肉味係香濃，入口亦夠滑，不過如果厚身啲嘅話我仲開心囉。
銀雪魚香辣好味道又唔肥膩好正斗，平時好怕食油淋淋的銀雪魚，但係呢個絕不肥膩煮得超好味。
最後食埋香脆合桃雲尼拿雪糕，就完滿結束我的聖誕假期了。
張貼
