牛舞日本燒肉‧涮涮鍋放題 (1亞太中心) (已結業)

話說之前禁晚市堂食，朋友間興起訂薩摩牛返屋企自己打邊爐🍲/鐵板燒。不過外賣都要差唔多$1000起。所以見到牛舞由元朗開左觀塘分店，仲主打有薩摩牛晚市放題$598，即刻衝左去試試😚放題包左燒肉同打邊爐。一去到，第一輪會有一個好靚嘅木盒裝著5同肉，同埋有個小牌子介紹返，有牛舌，豚腩肉，雞胸肉，一口牛，肩小排，和牛腹肉同主打嘅薩摩牛肋肉😍 雖然係放題，但可以慢慢燒，享受每種肉，都係一種享受😊 以放題質素黎講，每種肉都好稔都有肉味。其中我最想試嘅薩摩牛同其他牛比較，一齊放係爐燒，明顯見到薩摩牛的雪花脂肪較快溶化成牛油🫠超肥美！食完第一round，就可以再電子加單😌 種類超豐富，牛好juicy 不在話下，其他炸物新鮮炸起同刺身都新鮮爽甜！ 另外我覺得超闊綽嘅係有海鮮任點！有鮑魚,魷魚等等🦑🦐🦀！雖然$598 起可能就咁聽比一般放題貴，但係可以任食薩摩牛同埋仲有其他高質野食，真係算對得住個價！