家後2.0

營業中

休息中

今日到深水埗，就係為左食依一間家後2.0既餃子店。到底有無辜付到我既期望呢？咁就要繼續睇埋佢。佢地既餃子種類非常多，主要分左灼餃同煎餃。重有唔同既小食可以食。首先係灼餃，今次叫左雲耳椰菜豬肉餃同韭菜豬肉餃食。簡單概括佢地手工餃既質素，皮薄餡靚，非常足料既餃子。食材都好新鮮，食到佢地既鮮味。而且灼餃會有限定既靚湯，完全飲得到全部親自料理，無其他加工，十分鮮甜由於灼餃已經咁好食。本人亦都好愛好香口既食物，所以煎餃我都必須要加碼的。今次就叫左韭菜豬肉餃同洋蔥豬肉餃。餃皮煎得岩岩好，夠脆又唔會老。餡料經過煎香後香氣四溢，食落重好突出配料既香味。小食見到有麻辣雞中翼就忍唔住叫埋。辣汁夠香，辣度又岩岩好，配埋雞翼十分之match。最後甜品埋尾，佢地有數量限定有芝士蛋糕，手快有手慢無。今日係旁晚時分去食，我已經係最後一個客人食到。今日係巴斯克蛋糕，甜味岩岩好。食落又香又好食。如果有機會食到佢地既蛋糕，一定要叫埋黎食。