影片
更多
2019-07-21
75 瀏覽
是日放假與家中兩老出去飲茶，行行下諗起有朋友介紹過上環利寶閣有一個2小時放食點心放題，於是經兩老同意就去試一試。地點好易搵，就係地鐵站上面就算日曬兩淋都唔怕，位置非常之好。中午一點多就到酒樓，見到成場已經坐滿人，爆晒場非常熱鬧!!!!我地登記大約等左10分鐘就有位，場地好大全部無一空桌!!!餐杯好靚，好似high-tea咁好高貴既感覺!!餐紙好似日式放題咁自己寫，點心大部份都係一件一件咁寫而唔係平常酒樓一籠一籠咁計，呢個設件好貼心可以比一D人少少既甚至一個人都可以去享受飲茶既樂趣!!!款式有超級多：蒸點、小食檔、廚味部炒粉面飯、腸粉、煎炸、甜品等等......仲有兩款點心係放題送既每人只限一份：原隻鮑魚酥同花膠灌湯餃。鮑魚酥隻鮑魚好大隻，仲要新鮮熱辣岩岩焗起，鮑包好淋好有味，外皮好脆好香牛油味，兩老都讚讚!!!灌湯餃個花膠湯非常濃花膠味，仲有一隻大花膠食，讚!!!水餃好大隻好夠味，配合埋花膠湯非常襯，口感好出色。第一轉叫左好多野食：蝦餃皮薄，蝦肉爽口夠味，調味岩岩好，份量唔大好岩細食既人試多幾款點心。蒜香雞中翼熱辣辣，新鮮炸起上枱，咬落去好多肉汁仲係辣口，外皮脆卜卜外脆肉軟，好好食。鵪
地點好易搵，就係地鐵站上面就算日曬兩淋都唔怕，位置非常之好。
中午一點多就到酒樓，見到成場已經坐滿人，爆晒場非常熱鬧!!!!
我地登記大約等左10分鐘就有位，場地好大全部無一空桌!!!
餐杯好靚，好似high-tea咁好高貴既感覺!!
餐紙好似日式放題咁自己寫，點心大部份都係一件一件咁寫而唔係平常酒樓一籠一籠咁計，呢個設件好貼心可以比一D人少少既甚至一個人都可以去享受飲茶既樂趣!!!
款式有超級多：蒸點、小食檔、廚味部炒粉面飯、腸粉、煎炸、甜品等等......
仲有兩款點心係放題送既每人只限一份：原隻鮑魚酥同花膠灌湯餃。
鮑魚酥隻鮑魚好大隻，仲要新鮮熱辣岩岩焗起，鮑包好淋好有味，外皮好脆好香牛油味，兩老都讚讚!!!
灌湯餃個花膠湯非常濃花膠味，仲有一隻大花膠食，讚!!!水餃好大隻好夠味，配合埋花膠湯非常襯，口感好出色。
第一轉叫左好多野食：
蝦餃皮薄，蝦肉爽口夠味，調味岩岩好，份量唔大好岩細食既人試多幾款點心。
蒜香雞中翼熱辣辣，新鮮炸起上枱，咬落去好多肉汁仲係辣口，外皮脆卜卜外脆肉軟，好好食。
鵪春蛋燒賣隻鵪春蛋都幾大粒，同肉既比例差唔多一比一，一口一粒非常好。
傳統醬皇蒸鳳爪好夠味，味道好好唔因為放題而有咩落差。
蜆介鯪魚球新鮮熱辣，口感好好，好好層次感，又唔會太咸味道調得岩岩好。
估唔到佢仲有豬腳薑，好好味，食得出用甜醋唔係就係酸醋加糖，而且豬腳好入味。
另外我地仲有叫左兩個菜清一清個口。
食完都已經好飽最後好多野都未試，實有太多款式，可以留番下次再試，最後埋單都係每人$187連加一茶芥，好抵食!!!!可以上次再黎試埋其他野，好岩一家大細又或者一個人輕鬆嘆嘆茶又得，兩個鐘完全夠晒時間，值得推介!!
張貼
