鮪世市場 (已結業)

黎開坑口做義工，特然發現商場裝修左做food court, 發現好多特色小店，其中一間存滿和風既日式壽司店，細細間，但d 刺身睇落幾高質。海鹽輕燒中本鮪魚腩 - 食魚生類點可以唔叫拖羅，因為怕太"漏"既關係，叫左中拖羅，入口溶化，算幾鮮。蔥吞拿魚腩軍艦 - 魚肉好幼滑 份量都幾多 加左蔥花同芝麻幾香口自家燒玉子 - 一客兩件玉子 冇過甜 不過只係微暖 如果熱食應該會更好火炙三文魚 - 比想像中大塊，中上水平火炙左口魚裙邊 - 燒一燒迫左油香出黎，入口即溶油甘魚 - 夠厚肉，好甘香芝士飛魚籽軍艦 - 兩樣料都好多，芝士creamy火炙帆立貝 - 微燒唔會太老，帶子夠鮮甜特選本鮪三色丼 - 魚籽值得一讚，其他都算唔錯