Sky726

老闆生日，我哋大家夾錢請佢食飯，去咗旺角一間極有羅曼蒂克氣氛的Sky726，餐廳位於彌敦道726號頂樓，擁有無敵璀璨景色，主打新派法式佳餚。新鮮生蠔6隻：生蠔即叫即開，愛爾蘭3隻，蠔味較淺，海水味較淡，爽身，入口甘甜。澳洲蠔3隻，特質鮮明，海水味濃、味道鮮甜、肉質Creamy！野菌黑松露忌廉湯：忌廉湯濃稠creamy，餐湯除了散發濃烈的忌廉香味，每口還啖啖蘑菇和黑松露碎，口感豐富。香草燒春雞半隻：春雞外皮色澤金黃，用咗獨特醃制的方法，令雞肉非常入味又滑嫩，肉汁豐富，充滿香草味！薯角亦香脆可口！