老鍋台式火鍋 (金馬倫道) (已結業)

聽到朋友講原來打邊爐都可以養顏，我先知原來講緊台式養生鍋。整體黎計，價錢略高，少食多滋味。呢度湯底的確係佢賣點，同養心一樣都好足料，好飲而飲完較少口渴感。食物方面，一定要叫手工丸！因為水準頗高，鵝肝墨魚丸、黑松露蝦丸，都係強烈推介要叫，可以散叫，試晒咁多種丸。手功牛、大蜆、雲吞，都唔頹唔伏，可以叫。5個人的飯局，又食又飲，人均550蚊，大家都覺得湯底同配送係高質素d，一分價錢一份貨，明白點解可以咁多人食。