成都老碼頭火鍋 (已結業)

夜晚約朋友打邊爐，今次我哋嚟到呢間成都老碼頭火鍋，餐廳裝修充滿古色古香既中國風，非常特別。食物方面除咗湯底同火鍋配料之外，更有老碼頭特色小食。醬料係自助嘅，而且仲有水果任食。宮廷藥膳湯一上枱就聞到陣陣嘅藥材香味，味道清甜帶甘香，感覺非常養生。黑椒馬蹄豬肉丸豬肉丸爽彈新鮮，食到一粒粒嘅馬蹄，味道爽口清甜，配埋黑椒，味道更香。鹹蛋流沙魚蛋丸魚蛋丸彈牙，鹹蛋流心，帶沙沙口感，味道鹹香，幾特別。手工西洋菜餃餃子皮夠透薄，餡料飽滿，西洋菜爽口，唔會有苦味，豬肉新鮮爽彈，充滿肉汁。A级五花肉份量都幾多，五花肉厚薄適中，肥瘦均勻，肉味幾出，而且新鮮。粟米粟米新鮮爽甜紫薯寬粉有淡淡既紫薯味，口感煙韌有咬口，能夠掛湯汁精華。杞子龍眼菊花蜜味道清甜滋潤，最啱打邊爐，幫助清熱。