牛大人台灣火鍋吃到飽 (鱷魚恤中心)

首先一定要讚個「養生菇菌燉雞鍋」，湯底好清甜，真係忍唔住飲咗兩碗先開始打邊爐。今次試佢哋嘅A4+和牛，油脂分布好似雪花咁，輕輕一淥，食落去係滿口嘅油脂香，真係幾正。海鮮盤好新鮮, 如果海鮮盤既海鮮有得任食就最好

不過全晚最有驚喜嘅，反而係啲小食。「蝦蝦霸霸脆多士」係我同朋友食完即刻想再加單嘅，多士超脆，上面啲蝦膠又彈牙，熱辣辣上枱，好邪惡但又停唔到口。另外杯「港式檸檬茶18+」都幾有趣，飲落有啲似童年回憶，但多咗份微醺感，同打邊爐嘅濃味幾夾。

整體感覺好舒服，由個養生湯底到最後碗清甜嘅蜜桃愛玉冰，成個套餐安排得好完整，係會想再嚟encore嘅一餐。