雞駅花膠雞米線專門店

營業中

休息中

呢間餐廳係專做花膠雞米線既，裝修簡單但好有特色，仲有每個位都有個電磁爐，冬天嚟食真係又暖又舒服。佢啲米線係比較煙靭果隻，唔係出面嗰啲平時食開既，如果唔太習慣可以落單時叫佢煮淋啲。不過其實煙靭既口感幾特別，值得一試！而且除咗米線，佢啲配搭仲可以揀飯、米粉、上海麵等等🍽️ 藥膳黄酒花膠雞米線呢款米線一上枱就已經聞到陣陣黃酒香味同藥膳味好濃！啲湯底唔會太濃郁，但飲落又好滋潤，啖啖都係花膠同雞肉既鮮味。雞肉份量唔少，肉質滑嫩，花膠煮得好入味，膠質感十足，食完覺得好補。呢款真係特別啱啲需要滋補下嘅朋友試！🍽️ 招牌花膠雞米線呢個就係佢地既基本款，不過絕對唔簡單！湯底清甜，雞味濃郁，唔會太油膩，飲完感覺好舒服。花膠既份量一啲都唔敷衍，每啖都食到啲Q彈既膠質感，米線煙靭得黎好掛湯，成個感覺非常滿足！🍽️ 悍匪雞翼（胡椒孜然）呢款雞翼真係令人一試難忘！啲雞翼炸得香脆，外皮帶少少焦香，但內裏仲保持到嫩滑。胡椒同孜然味道超香，啱啱好唔會搶過雞翼本身既味道，食落仲帶有一點甜味。如果鐘意食重口味既朋友，呢個一定唔會失望！🍽️ 麻藥蛋溏心蛋既蛋黃半熟，拌湯食一流！🍽️ 凍檸檬薏米水食完一大餐之後，飲返杯凍檸檬薏米水，真係