馬祖 (將軍澳廣場) (已結業)

趁住夜晚拜年之前，晏晝兩個人去左馬祖打個邊爐！一人一個小鍋，所以我地揀左兩個唔同既湯底：一個係日本Sukiyaki壽喜燒底，另一個就係藥膳底。Sukiyaki既湯底好甜，都幾開胃。而藥膳湯底就十分重味，配料都可以一齊食，好似紅棗咁，夠哂養生！至於自助既食材，選擇都好充足，丸類都有七至八款。仲有少量肉類可以攞，好似雞髀肉同埋蟹柳。兩樣食材食落去都唔會有冰鮮味，而且口感都好爽口彈牙。最記得係個芋頭丸，咬落去中間會有芋頭粒，芋頭既味道同肉丸好夾。我地好中意食菜，好彩呢度都有好幾款菜比我地揀：娃娃菜，羽衣甘藍，菜心同埋唐生菜望落去都好新鮮，唔會有啲爛左既菜。打邊爐既話，呢幾種蔬菜已經夠哂！因為仲有金菇同埋粟米可以揀，唔驚無菜食！飲品方面好齊全！汽水同埋有氣甜飲品全部都擺滿左兩個雪櫃。仲有紙包野飲等等。如果覺得打邊爐太熱氣，可以揀啲健康清熱既樽裝飲品，好似馬蹄竹蓆同埋蜂蜜雪梨咁。我地揀左兩款肉，就係 Prime Grade 肩胛肉眼同埋西班牙無激素豬肉片。肉片切得好薄，咁樣食落去就唔會好韌。至於味道方面，肉味係水平中，唔算特別出味，不過整體黎講都唔會好差。最後，一定要食返個雪糕先走！甜品既選擇一