養心殿台式養生鍋 (已搬遷) 新店位置

呢排雖然熱到好似夏天咁，但見自己呢排個人有啲虛，諗住食返啲嘢去補一補身。之前已經食過2次養心殿，食物同環境都唔錯，所以今次再搵埋朋友一齊食。店舖裝潢好心思，真係好似返咗古代咁。同埋間隔都很有私隱度，啱晒鍾意講八卦嘢嘅我們。我們點了美人鍋貪，十分足料，除咗有唔同類型藥材之外，仲有成隻烏雞，所以湯底真係好夠味。台灣菜、餃子、雪花肥牛、水豆腐、鴨血……多到數唔到，當中最欣賞嘅就係黑松露手打墨魚丸，真係超香又彈牙！食到最後竟然仲有驚喜，侍應哥哥突然走去我小朋友嘅身邊問佢食唔食雪糕，仲話係免費請佢食嘅，阿仔即刻好唔客氣咁話多謝。雖然雪糕係請嘅但好有誠意，仲要係益力多味好特別，本地制造，好似喺普通超市買唔到。