影片
更多
2021-02-02
1478 瀏覽
今日早收工就出銅鑼灣行吓，順便食啲嘢醫下個肚，經過見到哩間大餃子都幾多人等緊外賣，加上我本身都幾鍾意食餃子，所以就決定入去試吓。店舖環境企理乾淨，廚房係半開放式，只係上半部份有塊透明膠板隔住，方便顧客睇到食物嘅製作過程，旁邊仲有個姨姨喺度包緊餃子🥟而枱面上面就已經放咗豆瓣醬同埋醋。佢餐牌上面嘅滋味配搭比較划算，所以我就揀咗A.八隻餃子加酸辣湯嘅套餐，另外再要多兩個小食同一杯豆漿。🎈蒜泥白肉呢度嘅蒜泥白肉同其他餐廳嘅好唔同，係用青瓜包住白肉，我真係未見過哩一種做法，非常特別！味道方面，因為有青瓜夾埋一齊食，所以食落去唔會太膩，青瓜好爽脆，同時亦能夠中和辣味，加埋滿滿既蒜泥，味道真係唔錯！我本身麻麻哋蒜泥白肉既人，都覺得呢個真係幾好食。🎈口水雞哩到嘅口水雞第一個抵讚嘅位就係已經去左骨，唔使你拆骨，好方便食，而且雞肉好嫩滑，亦唔會太辣，辣度啱啱好。出面嘅口水雞好少放蒜泥，但哩到有放，而且份量好多，本身鍾意食蒜蓉嘅人應該會好鍾意。🎈韮菜餃子4只+白菜餃子4只+ 酸辣湯先講餃子，呢度d餃子全部都好大隻，而且每隻都好足料。韮菜餃味道好濃，菜同肉嘅比例啱啱好，而白菜餃入面啲白菜仲係爽脆既，食得出好新
店舖環境企理乾淨，廚房係半開放式，只係上半部份有塊透明膠板隔住，方便顧客睇到食物嘅製作過程，旁邊仲有個姨姨喺度包緊餃子🥟而枱面上面就已經放咗豆瓣醬同埋醋。
佢餐牌上面嘅滋味配搭比較划算，所以我就揀咗A.八隻餃子加酸辣湯嘅套餐，另外再要多兩個小食同一杯豆漿。
🎈蒜泥白肉
呢度嘅蒜泥白肉同其他餐廳嘅好唔同，係用青瓜包住白肉，我真係未見過哩一種做法，非常特別！
味道方面，因為有青瓜夾埋一齊食，所以食落去唔會太膩，青瓜好爽脆，同時亦能夠中和辣味，加埋滿滿既蒜泥，味道真係唔錯！我本身麻麻哋蒜泥白肉既人，都覺得呢個真係幾好食。
9 瀏覽
0 讚好
0 留言
🎈口水雞
哩到嘅口水雞第一個抵讚嘅位就係已經去左骨，唔使你拆骨，好方便食，而且雞肉好嫩滑，亦唔會太辣，辣度啱啱好。出面嘅口水雞好少放蒜泥，但哩到有放，而且份量好多，本身鍾意食蒜蓉嘅人應該會好鍾意。
10 瀏覽
0 讚好
0 留言
🎈韮菜餃子4只+白菜餃子4只+ 酸辣湯
先講餃子，呢度d餃子全部都好大隻，而且每隻都好足料。韮菜餃味道好濃，菜同肉嘅比例啱啱好，而白菜餃入面啲白菜仲係爽脆既，食得出好新鮮。但作為一個重口味嘅人，我係更加推介韭菜味餃子嘅。
酸辣湯嘅用料非常豐富，裏面有木耳絲、筍絲、甘筍絲、豆腐同肉絲，酸酸辣辣，非常開胃，唔需要特別加醋都已經好夠味。
4 瀏覽
0 讚好
0 留言
🎈即磨濃豆漿（甜味）
佢嘅豆漿可以揀原味同埋甜味，我自己就當然要甜味啦！飲第一啖已經feel到佢嘅豆味好濃，飲得出真係即磨既，同出面飲嘅味道有啲唔同，幾特別。
8 瀏覽
0 讚好
0 留言
總括嚟講，呢一間餐廳嘅餃子同埋小食真係唔錯，如果鍾意食四川嘢同埋辣野嘅人，過開嚟銅鑼灣都可以試下。
張貼
