11
0
0
港鐵銅鑼灣站 F1 出口, 步行約2分鐘 繼續閱讀
電話號碼
23286339
付款方式
現金
食評 (11)
等級3 2021-01-20
0 瀏覽
話說同朋友喺銅鑼灣行到有啲攰,係咁凍嘅天氣之下想食返啲暖粒粒又飽肚嘅嘢食,行過見到呢間新開嘅餃子店門面好乾淨,所以入左去試吓。——————今次叫咗韭菜餃,一上到枱見到餃子嘅size已經知道唔少野,遠處見到廚房裏面姐姐係到手工包緊餃子,呢度一隻餃子等於我哋平時食既灣仔碼頭兩隻份量咁多,食落仲要好多汁好新鮮。淨湯麵嘅湯頭都好清,一飲已經知道唔係味精湯,夾埋餃子一齊食特別舒服🥰🥰口水雞上枱前已經事先去晒骨,連平時食開嘅雞翼位都幫你去買骨,實在係幾貼心。而雞肉質地都十分嫩滑,煮嘅時間啱啱好,一啲都唔會太老。連埋麻辣口水汁一齊食,簡直係人間極品🤭 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-20
0 瀏覽
行過銅鑼灣 想食嘢就諗起渣甸街佢見呢間舖頭有即製嘅餃子 心動動好想試吓叫咗一個滋味配搭A餐餃子8 + 酸辣湯 $55 餃子都係唔做隔夜餡 現包的現場都見到啲工作人員喺度包緊啲餃子睇見啲肉質新鮮 ♡︎北京餃子 即係韭菜豬肉味 ♡︎白菜豬肉餃 ♡︎京蔥芹菜豬肉餃♡︎牛肉大蔥餃 每一款餃子嘅口味都做得好出色 食落去都好鮮甜 高質另外佢仲有煎嘅 香脆啲 鍾意香口嘅都可以選擇返♡︎酸辣湯 好足料 特別推介大大件豆腐 豬紅 加上豬肚絲 筍絲 甘筍絲 等等嘅材料 唔太辣 湯嘅質地都唔黏口 清爽嘅另外仲叫左 ♡︎蒜泥白肉 $45 呢一道菜每一間餐廳嘅做法都唔一樣而呢一度嘅做法就係將個青瓜捲着啲豬肉在喺上面鋪上厚厚嘅蒜泥 同配上醬汁一啖一個 好易入口 同埋有好滿足嘅感覺♡︎現磨凍豆漿 原味 $10 呢度凍豆漿只係得原味嘅選擇 即係唔落糖所以飲到充滿嘅豆香味夜晚六點後開到12:00 而家疫情關係只係做外賣如果夜晚想食得健康啲 喺銅鑼灣又唔知食咩好不妨都試吓呢一度另外仲有一啲粥品 同埋王牌鹹肉糭 啱晒健康的宵夜 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-19
0 瀏覽
渣甸街非常多野食,今次試左呢間新開既大餃子。叫得大餃子,當然要食佢地自家包既餃子。叫左煎北京餃子 ($33,煎+$5),韭菜豬肉餡爆滿,煎得好香脆,大部分客人仲會請佢地煎燶D!飲埋佢地自家磨既豆漿,非常配合!白菜豬肉餃 ($33),同樣肉餡爆滿,湯餃既感覺比較清新解膩!皇牌咸肉粽 ($18) ,糯米稔,餡料充足新鮮滑牛粥 ($35),有驚喜,牛肉份量多,夠稔,粥夠綿滑,食到尾都唔會變水,配埋脆脆既油炸鬼食,非常暖同飽。呢間店既老闆非常和藹,事事親力親為,同時推介左蒜泥白肉同埋酸辣湯係該店招牌菜! 不過因為我同朋友唔係好食辣,下次會再去試下!銅鑼灣地段呢個價錢食到咁多野都幾抵,外賣煎餃更係好多人買! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-18
0 瀏覽
挨年近晚,又係時候要開始辦年貨。快活不知時日過,逛下逛下竟然行到下晝三點鐘。有人話想去食碗粥,記得渣甸街有間舊式粥店,提議過去看看。來到發現原來舖頭已經結業,換成了另一間餃子店。看過門外餐牌,除了餃子外,原來店子還有粥麵和風味小吃等供應,反正未幫襯過,一於內進試試。店員推介我哋試下店裡的餃子,話全部都係現場人手包製。揀咗韭菜豬肉餃 同 牛肉大蔥餃,另外再加咗一碗粥、炒麵、咸肉粽同豆漿。兩款餃子都以大湯碗盛上,韭菜豬肉餃 ($33/6隻)  賣相很吸引,外形呈彎月,餃皮厚薄適中,能吃到麵粉的香氣。餡料的韭菜同豬肉比例亦剛好,韭菜幽香飄逸,入口汁豐味美。至於另一客牛肉大蔥餃 ($40/6隻)  亦做得頗有水準,餃子大大隻,外形豐滿,牛肉腍滑細嫩,肉汁亦甚多,加上味濃嘅大蔥,成功吊出牛肉香,真係令人百吃不厭。食完餃子就試下店裡嘅粥品、炒麵同咸肉粽,揀咗新鮮鯇魚片粥 ($32),粥底的火候掌握得恰到好處,煲得稀稠合度,入口綿滑。魚肉鮮甜嫩滑,與充滿米香嘅粥身混合吃,更顯滑溜。至於隻皇牌咸肉粽 ($18)  食味亦不俗,雖然用料好簡單,只係得糯米、豬肉、綠豆同咸蛋黃等,但糯米煙韌,綠豆鬆化、調味也適中,令人吃得相當滋味。另外碟韭菜銀芽炒麵 ($15)  亦炒得幾有水準,麵條夠爽身,入口充滿豉油香, 加上內裡夾雜著不少韭菜、銀芽和紅蘿蔔絲,跟麵條一齊食,口感更豐富。食飽飽再飲番杯店家現磨嘅濃豆漿 ($10) 大滿足! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-17
0 瀏覽
👉渣甸街作為銅鑼灣其中一條食街,新開嘅餃子🥟小店梗係要試吓啦😀.呢度預設咗幾個set,啱晒我,可以諗少啲:📌四川擔擔麵、韮菜豬肉餃子 $53 ~ 見到個濃厚湯底,即時嘩咗一聲~湯底看似好辣,但明顯地經過調較,適合香港人嘅辣,口味香濃,層次不減。韮菜豬肉餃~韮菜粗粒翠綠好新鮮,咬開小心爆汁🤪📌川式炸醬麵、京芹豬肉餃子 $53 ~ 麵底勁大碗,湯汁都好香濃而不太辣,反而香麻味更突出。京芹豬肉餃子~喜愛芹菜香味嘅不要錯過,🈶️驚喜😆📌蒜泥白肉 $45 ~ 賣相、味道都🈵️分,勁有心機逐片青瓜包上五花豬肉,配上蒜蓉、香麻醬汁真係好好味,又夠爽口啱晒我口味🤤📌豆漿都唔🉑️以錯過,濃豆少甜版~正‼️ 繼續閱讀
(以上食評乃用戶個人意見 , 並不代表OpenRice之觀點。)