美味餃子店 (已搬遷) 新店位置

難得放假, 清一清食評先! 肥嘟嘟唔得閒, 就等我打啦未考試前我地相約番學校溫書, 溫書之前食個飯先! 原本諗住出旺角食既, 但搭地鐵沿經深水埗, 肥嘟嘟諗起有好味餃子食, 又知道我鐘意食, 所以就決定去試下喇!搵左一段時間, 好快就到左。佢鋪頭唔算大, 坐滿哂, 一個走一個入, 算好生意。而且見到餃子係人手包, 包完一盤之後去得好快, 可見餃子真係有番咁上下水準!餃子分煎同湯, 有7隻同10隻選擇。餃子有3 種: 椰菜雲耳餃, 韮菜豬肉餃, 白菜豬肉。 韮菜豬肉湯餃 - 湯幾好味, 肥嘟嘟話係豬骨湯, 唔似出面咁比味精湯你。餃子皮薄餡靚餡多, 而且好大隻, 真係好少食到咁出色既餃子! 椰菜雲耳煎餃 - 一樣, 都係皮薄餡靚餡多, 剪完之後皮好脆。肥嘟嘟覺得佢幾好味, 但我覺得佢唔好味, 因為食完有種好膩既感覺。相比之下, 湯餃係好味好多!