甜記餃子 (已搬遷) 新店位置

今日行經長沙灣富華廣場，覺得有點兒肚餓，見有一家餃子店，於是入內搵食！見地方整潔，大概二三十座位右左，店員招呼也積極主動！由於是下午茶時間，點咗個白菜豬肉餃配台灣麵，湯底亦可選自己製鮮鷄湯或蕃茄薯仔魚湯！我選了鷄渴做湯底！呢碗餃子麵份量唔細，先試一口鷄湯，感覺入口鮮甜，再試那白菜豬肉餃子，皮薄用料新鮮，味道唔錯，麵條亦咬落彈牙，值得一提是枱上擺放着醤油同理秘製蝦米辣，以供調味，喜歡食辣就一流配搭！跟餐尚有一杯飲品，有凍飲熱飲供選擇！我選咗杯熱嘅洛神花茶，甜甜酸酸，好醒胃！食完埋單，才是$42，好味又抵食！