鮨政

營業中

休息中

海鮮沙律💟呢個係有好多三文魚既海鮮沙律，三文魚又厚又肥，勁鮮味，加埋沙律菜，新鮮無比，夠晒fresh！軟殼蟹卷💟呢個係重口味啲既卷物，每件都有軟殼蟹係入面，啲軟殼蟹仲脆既添，咸咸地，加埋啲松子同面頭既蟹籽，口感好正呀！加州卷💟呢個就相對淡味啲，卷物只有蟹柳同牛油果同沙律醬，食到好濃牛油果味，牛油果好滑，同其他材料配合得好好，味道清少少但同樣好食！燒和牛💟呢個就真係一定要講，我都未食過咁好食既燒和牛架，和牛燒到岩岩熟，牛味好重，啲牛肉嫩滑到入口就化開，再點埋佢地既燒汁，香到無得彈呀！