千賀水產 (已結業)

千賀水產喺元朗食放題來講，都係一個唔錯嘅選擇，所以今晚又同朋友嚟咗食。呢度食物種類都算多，每一台客人都會送一個頭盤嘅海鮮盤。特別值得讚嘅係鮑魚，燒到九成熟左右加少少清酒再去燒，食落去好爽甜，而且一啲腥味都冇，而且都好大隻，口感滿足！當然唔少得要叫刺身，甜蝦食落去冇雪藏味，三文魚雖然唔算太厚切，但係食落去都新鮮。每件壽司嘅份量可以做到一啖一件，唔會食一兩件就好飽，可以試多幾種唔同嘅口味。呢度嘅甜品同埋雪糕雪條嘅選擇都多，主要有唔同嘅韓國雪條加上有好多以前童年回憶好耐冇食過嘅雪條都有，令人特別回味！