MX (新都城中心三期) (已結業)

放工番到屋企樓下，想食野填填肚，但新都城好多食肆都收曬鋪，見到MX仲開，之前食過又Ok，就入左去快快手食個宵夜。因為就黎收工，所以金沙系列果d小菜都無曬，就叫左個招牌去骨海南雞飯，只係53蚊，有飯有沙律，仲有個湯，好豐富。雞肉既份量好夠，點個三隻醬：薑蓉、甜醬、酸辣醬，好開胃！油飯本身都好香好味！沙律配d酸酸地既汁，中和到雞肉同油飯既油膩，成個餐既配搭恰到好處，係靜靜地既環境嘆埋個夠曬入味既老火湯，大滿足！