影片
更多
2019-06-12
237 瀏覽
我自認係濃味主意者，所以雞煲/邊爐係百吃不厭。今次唔係第一次食倫哥，但係唔知點解覺得每次嚟食都有少少新驚喜；而且每一次嚟食都會覺得自己食會票價，真係唔明究竟佢賺到幾多錢🤔飲品自助區有兩大個雪櫃嘅野飲可以揀，包括多款汽水、特色韓國罐裝飲品、無糖嘅綠茶/烏龍茶、自家製嘅五花茶/檸檬薏米水...前菜 (冷盤）- 醃蘿蔔- 日式芝麻醬滑豆腐 - 刺身拼盆*總共有5款刺身，十足食放題一樣。幾款刺身裡面最欣賞就係隻牡丹蝦，夠大隻夠新鮮，成隻放入口食有幸福嘅感覺。前菜（熱碟）- 鑊仔飽魚+花膠 - 蒜蓉粉絲蒸蟶子*味道夠晒濃，加埋啲蒜蓉同蔥嘅香，正呀！主菜（一）雞煲 + 豬皮&魷魚食過倫哥嘅雞煲就會知，味道濃得嚟唔會太油。我欣賞個雞煲入面有好多料頭，食落好有層次，有時食到陣陣嘅蒜香，有時又會有啲啲茴香味。美中不足嘅係啲紫洋蔥切得唔夠大塊同埋唔夠多。辣度夠分明，可以揀唔辣-bb辣-小辣-中辣-大辣；平時食開辛辣麵辣度嘅我今次叫咗小辣，食得舒服，唔會keep住要飲水解辣/解麻，亦不至於冇辣冇刺激。下一次都可以考慮試下中辣哈哈純粹個人preference，相比起一字品牌嘅雞煲，我覺得倫哥雞煲更勝一籌，因為
今次唔係第一次食倫哥，但係唔知點解覺得每次嚟食都有少少新驚喜；而且每一次嚟食都會覺得自己食會票價，真係唔明究竟佢賺到幾多錢🤔
飲品
自助區有兩大個雪櫃嘅野飲可以揀，包括多款汽水、特色韓國罐裝飲品、無糖嘅綠茶/烏龍茶、自家製嘅五花茶/檸檬薏米水...
前菜 (冷盤）
- 醃蘿蔔
- 日式芝麻醬滑豆腐
- 刺身拼盆
*總共有5款刺身，十足食放題一樣。幾款刺身裡面最欣賞就係隻牡丹蝦，夠大隻夠新鮮，成隻放入口食有幸福嘅感覺。
前菜（熱碟）
- 鑊仔飽魚+花膠
- 蒜蓉粉絲蒸蟶子
*味道夠晒濃，加埋啲蒜蓉同蔥嘅香，正呀！
主菜（一）雞煲 + 豬皮&魷魚
食過倫哥嘅雞煲就會知，味道濃得嚟唔會太油。我欣賞個雞煲入面有好多料頭，食落好有層次，有時食到陣陣嘅蒜香，有時又會有啲啲茴香味。美中不足嘅係啲紫洋蔥切得唔夠大塊同埋唔夠多。
辣度夠分明，可以揀唔辣-bb辣-小辣-中辣-大辣；平時食開辛辣麵辣度嘅我今次叫咗小辣，食得舒服，唔會keep住要飲水解辣/解麻，亦不至於冇辣冇刺激。下一次都可以考慮試下中辣哈哈
純粹個人preference，相比起一字品牌嘅雞煲，我覺得倫哥雞煲更勝一籌，因為我較喜歡佢麻同辣嘅平衡，唔會過份麻，要花好多時間去恢復感覺。另外倫哥雞煲啲汁嘅杰度比較適中，食落唔會覺得落咗好多生粉去打嗰芡汁！
主菜（二）火鍋：3.6牛乳豬骨湯底
今次試新湯底，叫咗3.6牛乳豬骨湯底。聽到3.6牛乳，即時就會聯想到係白色嘅湯底啦！點知，煲湯拎到嚟嘅時候，竟然係微黃色嘅！嗰刻真係有啲啲失望，為咩要加咁多油呢？唯有趁煲湯你滾起就開始撇油啦🤷🏿♀️撇下完發現都撇咗成碗油出嚟！如果照單全收照打邊爐，會白白食好多額外嘅油落肚架，嘥咗啲quota喺呢啲非必要嘅油度就無謂啦。
好，講返煲湯，撇完油終於見到真身，白白滑滑，係靚嘅！
火鍋配料：
- 菜盆 (4-5款菜）
- 炸魚皮拼響鈴
- assorted 丸 + 雲呑/水餃 + 午餐肉
- 新鮮多肉嘅蝦滑+ 有墨魚嘅墨魚滑
- 油脂平均嘅牛頸脊
- 海鮮拼盆 (包括：鮮蝦、龍躉片、比目魚塊、脆鯇、刀貝、蜆仔、蟹）
*全部都係任加 (除咗牛頸脊）
甜品
喺包到不行了想埋單嘅時候，店員仲好溫馨提示我地，記得仲有甜品呀！哈，就再食啦！依稀記得之前有喺度食過好好味燕窩燉奶，原來已經轉咗喇，今晚嘅甜品有驚喜，係凍嘅椰汁燉燕窩，真係估你唔到。夠冰凍，唔太甜，多燕窩，抵！
張貼
