影片
更多
2017-03-20
152 瀏覽
銅鑼灣我哋經常去既地方都係時代廣場、希慎或者係銅鑼灣地帶。但係原來喺SOGO附近已經開咗一棟商業大廈叫做Tower 535，呢度原來都有野食！上到去3樓有間類似bar同西餐廳既混合版餐廳，叫做辦館。裡面既設計都經過精心設計，有霓虹燈既氣氛襯托下，顯得好有老香港既感覺。由於同朋友毫無頭緒，所以就叫職員介紹左幾款特式菜。佢地都好好態度，仲周不時主動關心我地有咩需要，水都會成日refill，非常好。出面係露天既地方，可以望到銅鑼灣景色，同人談心一定好輕鬆。不過今日有啲凍都係坐係入面。第一樣黎既係炸雞翼配韓式泡菜汁，個賣相既重點竟然係個碟到，用木板製造。而且啲雞翼係單骨，所以就算叫左3隻，都可以平均分比2個人啦！個韓式醬汁真係好辣，怕辣的朋友不用點已經好入味了。之後就叫左個照燒明太子，其實我未食過明太子，我一直以為係海鮮，點知原來係一啲好似魚子咁既質地既野。唔好問我點解唔知咩黎都叫，係因為我朋友好喜歡食，佢一來就食左3舊，可想而知有幾好味啦，我就覺得有少少咸，但都係辦館既特式小菜黎呢！之後覺得無主菜一定唔舊飽，所以叫左卡邦尼意粉同黑松露叉燒炒飯。卡邦尼真係好好食！尤其佢隻溫泉蛋，啲汁漏到成個碟
上到去3樓有間類似bar同西餐廳既混合版餐廳，叫做辦館。
裡面既設計都經過精心設計，有霓虹燈既氣氛襯托下，顯得好有老香港既感覺。由於同朋友毫無頭緒，所以就叫職員介紹左幾款特式菜。
佢地都好好態度，仲周不時主動關心我地有咩需要，水都會成日refill，非常好。
出面係露天既地方，可以望到銅鑼灣景色，同人談心一定好輕鬆。不過今日有啲凍都係坐係入面。
第一樣黎既係炸雞翼配韓式泡菜汁，個賣相既重點竟然係個碟到，用木板製造。而且啲雞翼係單骨，所以就算叫左3隻，都可以平均分比2個人啦！
個韓式醬汁真係好辣，怕辣的朋友不用點已經好入味了。
之後就叫左個照燒明太子，其實我未食過明太子，我一直以為係海鮮，點知原來係一啲好似魚子咁既質地既野。唔好問我點解唔知咩黎都叫，係因為我朋友好喜歡食，佢一來就食左3舊，可想而知有幾好味啦，我就覺得有少少咸，但都係辦館既特式小菜黎呢！
之後覺得無主菜一定唔舊飽，所以叫左卡邦尼意粉同黑松露叉燒炒飯。卡邦尼真係好好食！尤其佢隻溫泉蛋，啲汁漏到成個碟都係，可以撈埋啲意粉食！
另外個叉飯就好大陣強烈既黑松露味，鍾意食松露既朋友真係唔好錯過。
最後就叫了這裡有特式的港式雪糕三文治，我揀左奶茶味。但個雪糕黎到係白色，不過個味道真係好正，好想慢慢一啖啖擺係個口享受。
最後叫埋杯柚子梳打解一解渴就收手。
張貼
