海饌 - 海鮮牛扒餐廳 (Fashion Walk) (已結業)

Fashion walk呢條食街的氣氛好正，今日去開港島做野，就約埋朋友黎呢間餐廳試下。呢度除左有lunch set,午市都可以單點，而且頭盆同主菜的選擇都好多。我地點了脆炸有機甜粟米餅配芫茜青檸酸忌廉呢個開胃菜真係一絕。粟米餅外脆內軟，有機粟米嘅甜味配上芫茜青檸酸忌廉嘅酸香，令人食指大動，開始嘅一啖已經令人期待之後嘅菜式。接住嚟嘅係泰式羽衣甘藍燒牛肉沙律，特調的泰式酸辣汁同羽衣甘藍嘅清新完美結合，再加上燒牛肉嘅香嫩，每一啖都充滿層次感，好開胃。傳統牛尾濃湯，呢個湯品真係真材實料。湯汁濃郁而充滿牛肉嘅香味。除了平時常見的食材，仲加豌豆，令到湯的口感更加細膩。係飲飲過最好飲的牛尾湯之一。再嚟就係法介醬忌廉燴黃油春雞配烤中東包，呢個係我當晚最愛嘅一道菜。黃油春雞燴得非常入味，肉質鮮嫩多汁，配上濃郁嘅法介醬忌廉汁，味道豐富而不膩口。餐廳的菜式創新，而且制作用心，食材的選料也比較上乘，我地今餐都食得超滿足。