麻市滋味館 (已結業)

有日同朋友商量緊食咩果陣，佢突然話佢有個朋友食過麻市滋味館，D小菜好好味，所以好想去試。第一下聽到個名以為係食麻辣野，麻辣炒小菜？咁得意！？原來係真係食小菜，只不過間野係油麻地同/佐敦中間，唔知個名係唔係咁樣得黎。雖然openrice資料顯示係港鐵柯士甸站 A 出口, 行7分鐘左右。但係其實我覺得由佐敦或油麻地行過黎會仲易搵。冰鎮鮑魚 時價 (是晚 $65/隻)極度受好評既冰鎮鮑魚點可以唔試，尤其今年既夏天日日都咁熱。雖然我地只係order左2隻，但係廚師都擺得好有心機，白雪雪既鮑魚，表面洗得好乾淨。下面用左好多冰去鎮住佢，所以好爽口彈牙，同埋仲有D鮮味。配上豉油同wasabi，點食都好好味！黃金海中蝦 $160一落枱已然聞到勁香蛋黃味，隻隻都炸到脆卜卜，同埋好乾身，唔會食完成日都係油。蝦殼都已經炸得好香脆，可以連殼一齊食。雖然膽固醇高左少少，不過1次半次, 都OK LA~~啫啫通菜煲 $78呢幾日都少食菜，同侍應有咩好介紹，佢話食啫啫通菜煲。都好，夏天緊係食通菜。呢個通菜煲上枱果陣仲熱辣辣，用左蒜蓉、蝦乾、仲有椒絲去炒，好香好惹味。不過如果多少少辣味會再好食D。脆皮菠蘿咕嚕肉 $88