御名軒

營業中

休息中

今日約客見面，咁就當然順便同客食埋LUNCH啦，為方便客戶選擇去客戶辦公室附近食，揀選喺天后地鐵站出口附近嘅御名軒，位置真係好方便，非常易搵。今次點咗以下嘅點心，花膠灌湯餃，原隻大蝦燒賣，瑤柱珍珠雞，鮑汁炆雞腳，薑汁椰皇焗布甸。花膠灌湯餃,大大隻，用傳統方法製成，味道唔錯, 原隻大蝦燒賣，隻蝦真係唔算細隻，蟹子亦都有唔少, 瑤柱珍珠雞，裡面依然有好多肉汁，唔會太乾。點心水盡出奇地高，以地區而言價錢亦都相對便宜。問侍應睇下夜晚嘅餐牌，價錢可以話係好平，真係要搵日夜晚上黎試吓。