絆 (已結業)

Happy Friday搵間居酒屋chill下，同朋友去左尖沙咀一間樓上居酒屋🏮絆，環境舒適，有露台座位和榻榻米包廂。🌸螢光魷魚前菜係螢光魷魚，口感爽脆，味道鮮甜! 🌸燒原隻扇貝扇貝好大隻，好新鮮又鮮甜，入口仲好彈牙! 配埋熱溶芝士和海量蟹籽，食完大滿足!🌸壽司壽司揀左火炙芝士鰻魚壽司，鰈魚壽司和劍魚腩壽司。劍魚腩和鰈魚，新鮮又肥美，油脂好豐富。火炙芝士鰻魚壽司，流心芝士配鰻魚，口感層次提升！🌸刺身油甘魚5片，非常厚切，食落淡淡甘甜，每口都充斥魚油香氣，入口彈牙，具獨特清爽口感。🌸串燒有雞翼串燒，雞腿肉串，牛舌芯和豚五花。串燒好香口，肉質依然好juicy。豚五花肥瘦均勻，食落好有口感。另外牛舌芯就好爽口彈牙，佐酒一流!🌸百味炸原條燒茄子好大條炸茄子，炸得外皮金黃香脆，茄子肉質好嫩滑，又係佐酒名物。 🌸流心蛋燒飯團飯團燒得剛剛好，飯焦入口香脆，配上蟹籽，流心蛋蛋漿和沙律醬，很好的配搭。🍺Sapporo生啤居酒屋🏮食串燒飲生啤是常識吧😚📣晚市優惠逢星期一至四晚上6點後，2位以上入座即送2杯飲品，分別可以揀1000ml特選Sake、2杯Sapporo生啤或2杯無酒精飲品。