新興食家

營業中

休息中

話說個排參加左一個大學嘅Camp，跟住就比D組爸媽帶左落黎食新興，話係黎體驗下大學嘅文化wor﹗一落到去其實都唔洗點等，就有得入去食。D呀姐仲好好咁幫我地set好哂D台﹗新興最有特色嘅莫過於佢嘅早點啦﹗大部份新鮮熱辣辣嘅點心，好似流沙包、鮑汁燒賣、雞腳呢D，擺哂係出面比人攞。但係其實佢拎出黎周圍sell嘅先至係精華所在﹗因為個D通常都係D精品同埋係岩岩出爐，好似炸鮮奶同鵪鶉蛋燒賣咁。炸鮮奶，我平時就聽得多，但係食都係第一次。唔係睇佢個外表好似好油好熱氣，但係其實入口係一股濃濃嘅奶香味。食物其實都好好。但係唯一要挑剔嘅就係佢個位置比較偏遠。聽D組爸媽講，因為位置比較偏，佢地都唔係成日落黎食，因為一來一回都哂左唔少時間。