麻神麻辣火鍋 (已結業)

網上Hit爆嘅麻神麻辣火鍋今日終於同朋友去試到啦！店內非常多人等位，好彩同朋友預早已經訂咗位，所以去到都唔駛等好耐就入得啦！鴛鴦鍋（$228/2人鍋） 呢度最巴閉嘅就係麻辣火鍋，可能你會話麻辣火鍋而家周街都係啦！但係呢度嘅火鍋絕對係百分百可以飲落肚。出邊大多數嘅麻辣火鍋，都係跟足四川重慶配方，所以食藥會比較油，但係呢度嘅麻辣火鍋就係用咗多種蔬果、蔬菜、和藥材新鮮熬成的，所以絕無味精，飲落唔會好油，麻辣香味又夠香，非常特別！除咗麻辣火鍋之外，仲可以雙拼揀埋柴魚昆布湯。昆布湯望落非常清澈，但係味道唔會好淡，清香嘅柴魚配上昆布嘅香味，清甜可口。美國頂級牛小排($288/200g)牛小排是店內的招牌，色澤通紅，肉質香濃可口，富豐富嚼口，油脂甘香美味，非常滿足！綜合丸子拼盤（$118）豬肉丸、鯪魚丸、蝦丸、墨魚丸丸子拼盤一份有齊四款口味，丸子小小一粒，非常彈牙，鮮味可口，好吃！翠綠時蔬拼盤($88)時蔬拼盤非常豐富，入面有番茄、皇帝菜、娃娃菜、南瓜、粟米等等蔬菜，放在麻辣湯上亦非常之美味。