影片
更多
2019-06-16
2096 瀏覽
因為近地鐵站同埋突然好想食雞煲嘅關係🤣，所以黎左呢間餐廳，上到先發現好似係開張第一日，仲勁多花牌，真係第一次食間咁新嘅店。招牌金啫之鍋（$188/人）任食120分鐘，主要用秘製黃酒同雞煲醬黎調味，再加入芫茜，食落好夠味，特別鐘意果隻少少麻嘅味道（叫左少辣），雞肉本身都嫩滑多汁，聞落仲好香。食到七七八八嘅時候，店員就推架車仔黎，因為店內有摸蜆活動，每枱二至四人可以摸一次，用雙手摸得最多仲可以登上「摸蜆龍虎榜」（一星期update一次）。頭獎係價值$2500嘅日本機票，二獎係價值$1000嘅旅遊券，而三獎係價值$500嘅旅遊券😍😍。就算登唔到龍虎榜都係摸幾多食幾多，仲有專人黎啫👍🏻，質素仲唔差，蜆肉肥美又新鮮。不得不提，因新店開張，所以每人獲贈兩隻鮑魚，另有蟶仔同蟹可選其一。之後就係交返俾店員啫肥牛烏冬，都十分惹味。接著就到火鍋時間，揀左店內推介嘅蕃茄湯，蕃茄味十分濃郁，仲可以出去任拎火鍋配料，包括羊牛肉、腸仔、肉丸、魷魚同蔬菜等，仲有唔少飲料可選。最後係估唔到甜品係秘製足料雪燕，椰香味好重，仲啖啖爽口燕窩。可見呢個價錢食到咁豐盛又高質，性價比真心高，值得一試，分分鐘仲可以贏轉日本機票返黎
招牌金啫之鍋（$188/人）
任食120分鐘，主要用秘製黃酒同雞煲醬黎調味，再加入芫茜，食落好夠味，特別鐘意果隻少少麻嘅味道（叫左少辣），雞肉本身都嫩滑多汁，聞落仲好香。
食到七七八八嘅時候，店員就推架車仔黎，因為店內有摸蜆活動，每枱二至四人可以摸一次，用雙手摸得最多仲可以登上「摸蜆龍虎榜」（一星期update一次）。頭獎係價值$2500嘅日本機票，二獎係價值$1000嘅旅遊券，而三獎係價值$500嘅旅遊券😍😍。就算登唔到龍虎榜都係摸幾多食幾多，仲有專人黎啫👍🏻，質素仲唔差，蜆肉肥美又新鮮。
不得不提，因新店開張，所以每人獲贈兩隻鮑魚，另有蟶仔同蟹可選其一。
之後就係交返俾店員啫肥牛烏冬，都十分惹味。
接著就到火鍋時間，揀左店內推介嘅蕃茄湯，蕃茄味十分濃郁，仲可以出去任拎火鍋配料，包括羊牛肉、腸仔、肉丸、魷魚同蔬菜等，仲有唔少飲料可選。
最後係估唔到甜品係秘製足料雪燕，椰香味好重，仲啖啖爽口燕窩。
可見呢個價錢食到咁豐盛又高質，性價比真心高，值得一試，分分鐘仲可以贏轉日本機票返黎🥰。
張貼
