影片
更多
2021-10-26
54 瀏覽
呢間小曼谷食過好多次，今次屋企人生日，決定帶佢哋嚟試吓泰國菜👍🏼首先講吓門面，佢招牌嘅揮手吹氣公仔，真係每次搭車經過都好搶眼😂餐廳簡直係與時並進😂咁快已經換咗123木頭人嘅公仔，配埋Halloween裝扮😆👍🏼先講嘢飲椰皇沙冰$36 次次黎都嗌你杯嘢飲，佢係椰青嘅沙冰版，仲會有粒粒嘅椰青口感👍🏼超讚椰青 $38椰青好抵飲，38元好大個，出邊呢個價錢都未必有咁大個。好清甜，好多肉👍🏼椰汁芒果沙冰 $36可能有椰汁嘅關係，芒果沙冰唔會死甜，有少少椰味中和，所以都幾好飲。串燒泰式臘腸$20$20有五舊，每舊都好大，唔會太感，好惹味。串燒豬，牛，雞各一串 $18串燒份量多，好大串，而且燒得剛好，肉質唔會太乾，有少少肉汁👍🏼泰式飛天炒通菜$82首先通菜份量多，而且唔辣，啱晒老人家食👍🏼佢嘅汁仲有少少甜甜地，好入味。蒜蓉包$32每次必點嘅蒜蓉包，我嘅至愛😆佢呢間嘅蒜蓉包真係好好食，首先餡多，又大塊，食落去仲係熱熱地，脆卜卜。有四大舊，好抵食😋蝦醬豬肉碎炒飯 $81驚長輩唔夠飽，所以嗌咗個炒飯。佢哋好鍾意食，炒飯唔會太濕又唔會太乾，而且配埋好香嘅蝦醬味，好快就清晒碟🤣泰式鮮蝦金邊粉$89有四五隻大蝦
首先講吓門面，佢招牌嘅揮手吹氣公仔，真係每次搭車經過都好搶眼😂餐廳簡直係與時並進😂咁快已經換咗123木頭人嘅公仔，配埋Halloween裝扮😆👍🏼
先講嘢飲椰皇沙冰$36
次次黎都嗌你杯嘢飲，佢係椰青嘅沙冰版，仲會有粒粒嘅椰青口感👍🏼超讚
椰青 $38
椰青好抵飲，38元好大個，出邊呢個價錢都未必有咁大個。好清甜，好多肉👍🏼
椰汁芒果沙冰 $36
可能有椰汁嘅關係，芒果沙冰唔會死甜，有少少椰味中和，所以都幾好飲。
串燒
泰式臘腸$20
$20有五舊，每舊都好大，唔會太感，好惹味。
串燒豬，牛，雞各一串 $18
串燒份量多，好大串，而且燒得剛好，肉質唔會太乾，有少少肉汁👍🏼
泰式飛天炒通菜$82
首先通菜份量多，而且唔辣，啱晒老人家食👍🏼佢嘅汁仲有少少甜甜地，好入味。
蒜蓉包$32每次必點嘅蒜蓉包，我嘅至愛😆佢呢間嘅蒜蓉包真係好好食，首先餡多，又大塊，食落去仲係熱熱地，脆卜卜。有四大舊，好抵食😋
蝦醬豬肉碎炒飯 $81
驚長輩唔夠飽，所以嗌咗個炒飯。佢哋好鍾意食，炒飯唔會太濕又唔會太乾，而且配埋好香嘅蝦醬味，好快就清晒碟🤣
泰式鮮蝦金邊粉$89
有四五隻大蝦🍤，蝦都好新鮮，好爽，食得出係新鮮。金邊粉麵條煙韌，唔會太濕。又入味又有口感😋
泰式鐵板豪餅$128
呢碟送一送上枱，我哋不約而同都話好香，好有鑊氣。首先蠔係新鮮既，唔會腥。蛋都好香好滑😋好好食，不過唯一就係好熱氣😆😆😆
泰王咖喱發包軟殼蟹 $208
呢個上次食過今次一定要再叫，佢嘅咖喱汁真係超級推介👍🏼好有椰香味，唔會辣。軟殼蟹份量好多，食得出係新鮮，唔會有腥味。配埋咖喱汁真係超級絕配👍🏼
總體而言，長輩都對呢間讚不絕口，佢哋甚少食泰國嘢，成日都驚泰國嘢好辣。但今次佢哋一致認為都好好食😋完全對泰國嘢改觀😆
張貼
