頑固壽司 (已結業)

頑固壽司係日本出名既壽司店，上年係香港開分店，一路都好想試，但之前去次次都見排哂長龍。因為疫情關係，政府立左例唔可以4人以上聚餐，同餐廳只可以招待唔超過一半座位人數既客人，可能會令好多食客卻步。 立例後既第一天，我終於食到，以為真係無人排隊，點知七點半黎到，都有六七枱客等緊位。我大概等左半個鐘左右就有得入去食，相比開業時要等兩個半個鐘好好啦。一個人食，要對自己好啲，我叫左北海丼飯 $298同甜品蕨餅$68。北海井飯有大拖羅、三文魚子和牡丹蝦、三文魚、帆立貝、松葉蟹同海膽，質素好高，暖暖既醋飯，入口濕潤。蕨餅Q彈柔軟， 口感非常好，配上黃豆粉撈黑糖醬，回味無窮。同埋我欣賞呢度既服務態度，真係做得好好，比人一種好窩心既感覺。