影片
更多
2019-08-15
832 瀏覽
為咗同朋友慶祝生日， 預早一星期已經訂枱， 星期日嘅五點九竟然已經full咗... 本身叫我排waiting睇下有冇人取消， 結果當日打嚟 話真係冇枱， 好彩我口多多問一句八點半呢？有位! 咁我哋兩個女仔就行多陣街，hea到八點半去食海鮮lu~ 我食鍋心蒸已經係第三次，朋友就之前無食過，只係食過粥底。一坐低已經比碗靚湯你，係燉湯黎，所以好多料 🤣 即刻揀埋海鮮同蒸飯既料先! 龍蝦同沙白蜆就fix既， 另外可以八款海鮮當中揀多六款 🤭🤭 我哋揀咗蝦、蟹、鮑魚、 多寶魚、 蟶子同花甲。 當晚海鮮其實仲有蠔，都有好多人揀， 但因為我唔食所以就冇叫到。除咗揀海鮮之外，每樣野仲可以加唔同嘅醬，例如清蒸豉汁蒜容紅鞠泰式汁欖角， 當然會配合返唔同嘅海鮮啦。 之後我哋再揀埋蒸飯嘅八樣餸， 我每次都一定會揀蝦醬蒸腩肉同埋芋頭 哈哈 另外仲叫咗臘腸潤腸，牛脷等等等等....終於可以講食物喇! 一嚟先蒸龍蝦要等十幾分鐘，勁期待呀～ 侍應打開蓋嗰陣 仲好細心問我哋要唔要影相， 之後先夾畀我哋。 之後我同朋友已經食到唔識傾計， 淨係不停講好新鮮好彈牙好好食。 侍應重計好時間見到我哋食龍蝦食到差唔多， 先開始蒸
我食鍋心蒸已經係第三次，朋友就之前無食過，只係食過粥底。一坐低已經比碗靚湯你，係燉湯黎，所以好多料 🤣 即刻揀埋海鮮同蒸飯既料先! 龍蝦同沙白蜆就fix既， 另外可以八款海鮮當中揀多六款 🤭🤭 我哋揀咗蝦、蟹、鮑魚、 多寶魚、 蟶子同花甲。 當晚海鮮其實仲有蠔，都有好多人揀， 但因為我唔食所以就冇叫到。
除咗揀海鮮之外，每樣野仲可以加唔同嘅醬，例如清蒸豉汁蒜容紅鞠泰式汁欖角， 當然會配合返唔同嘅海鮮啦。 之後我哋再揀埋蒸飯嘅八樣餸， 我每次都一定會揀蝦醬蒸腩肉同埋芋頭 哈哈 另外仲叫咗臘腸潤腸，牛脷等等等等....
終於可以講食物喇! 一嚟先蒸龍蝦要等十幾分鐘，勁期待呀～ 侍應打開蓋嗰陣 仲好細心問我哋要唔要影相， 之後先夾畀我哋。 之後我同朋友已經食到唔識傾計， 淨係不停講好新鮮好彈牙好好食。 侍應重計好時間見到我哋食龍蝦食到差唔多， 先開始蒸鮑魚。 真係啱啱好一樣接一樣咁食呀， 雖然侍應手腳好快， 但佢竟然可以幫我哋去埋鮑魚內臟 先夾畀我哋食 👍👍👍👍 所以各位唔使擔心無儀態 🤪 沙白蜆我哋揀咗配泰式汁， 係我第一次喺鍋心食泰式汁，超好食， 我之後keep起咗個汁，留返黎點花甲 😂😂😂 蜆同花甲嘅份量都好多， 我覺得蜆就多汁啲， 花甲就味重啲， 但兩個都好新鮮! 蟶子我哋揀咗豉汁蒸， 平時好驚食到入面嗰啲泥沙， 但呢個洗到乾乾淨淨乜都冇， 真係啖啖肉呀~ 蝦方面因為我哋揀咗開邊蒸， 所以啲肉片到好薄， 下次都係揀返原隻清蒸會好啲。🤔 多寶魚好滑好新鮮 🤭👍 最後嘅重頭戲嚟啦， 我哋已經食到好飽， 最啱就係慢慢拆埋隻蟹， 膏香肉又實，就算飽都要食埋佢! 值得一提嘅係， 即使係清蒸蟹， 佢哋都已經清曬內臟， 仲夾咗啲薑絲 喺蟹蓋同蟹身中間， 真係好認真呢!
一邊食蟹一邊等埋個蒸飯， 侍應喺我哋面前 撈勻個飯， 雖然我哋已經好飽， 都忍唔住每人食咗一碗， 撈埋花生加啲口感真係好正! 之後我哋實在唔捨得淨低啲飯， 所以每人都打包走咗 😂😂😂
以為咁就完？？ 仲有糖水呀... 係腐竹 薏米 白果 糖水 ... 完美的一餐都只係每人三百蚊 👍👍👍👍 CP值勁高，我最欣賞係明明依個餐廳食材新鮮價錢合理，本來已經屈機唔憂做，但係佢地係煮食同服務方面都無放棄到態度，好用心做，希望佢地會保持到 ☺️
美中不足就係個環境， 廁所得一格都幾污糟， 同埋蒸嘅時候其實會覺得好熱， 蒸埋我塊臉 😂😂
張貼
